ఇరవై కిలోమీటర్లు కారు బ్యానెట్‌పైనే

కేంద్ర హోంమంత్రి అమిత్ షా పర్యటన నేపథ్యంలో ట్రాఫిక్ పోలీసులు విధులు నిర్వహిస్తున్నారు. అయితే ఒక కారు డ్రైవర్ డ్రగ్స్ సేవించి ఉన్నాడని అనుమానించి కారును ఆపేందుకు సిద్ధేశ్వర్ మలి అనే కానిస్టేబుల్ ప్రయత్నించాడు. అయితే కారు ఆపకుండా ముందుకు వెళ్లడంతో కానిస్టేబుల్ కారు బ్యానెట్‌పైనే పడుకుని ప్రయాణించాల్సి వచ్చింది. అయితే ఇరవై కిలో మీటర్ల దూరం తర్వాత డ్రైవర్‌ను అదుపులోకి తీసుకున్నారు. నిందితుడు ఆదిత్య డ్రగ్స్ తీసుకున్నట్లు పోలీసులు పరీక్షల్లో గుర్తించారు. సాహసానికి ఒడిగట్టిన పోలీస్ కానిస్టేబుల్ ను ఉన్నతాధికారులు ప్రశంసించారు.