ఆత్మహత్య చేసుకున్న సురేష్

బాలిక రాంబిల్లి జిల్లా పరిషత్‌ ఉన్నత పాఠశాలలో తొమ్మిదో తరగతి చదువుతోంది. ఆమె స్కూల్‌కు వెళ్లి సాయంత్రం ఇంటికి తిరిగి వచ్చింది. అయితే కొద్దిసేపటికి ఆ ఇంట్లోంచి సురేష్‌ బయటికి వచ్చాడు. అతడిని బాలిక నానమ్మ చూసింది.. వెంటనే ఇంట్లోకి వెళ్లి చూడగా బాలిక రక్తపు మడుగులో పడి ఉంది. ఇరుగుపొరుగు వారికి సమాచారం అందించింది. ఆసుపత్రికి తీసుకెళ్లగా బాలిక అప్పటికే చనిపోయినట్లుగా వైద్యులు ధృవీకరించారు. సురేష్‌ బాలికను హత్య చేశాడని పోలీసులకు ఫిర్యాదు రాగా.. అంతలోనే సురేష్ ఆ ప్రాంతం నుంచి పారిపోయాడు. సురేష్‌ సొంతూరు కశింకోట. కొప్పుగుండుపాలెంలోని అమ్మమ్మ ఇంటి దగ్గర ఉంటున్నాడు. జులాయిగా తిరుగుతూ బాలికను వేధిస్తున్నాడు. బాలిక కుటుంబ సభ్యులు అతడిపై ఏడాది క్రితం ఫిర్యాదు చేయడంతో పోక్సో చట్టం కింద కేసు నమోదు అయింది. ఇటీవల బెయిల్‌పై బయటకు వచ్చిన సురేష్‌ బాలికపై కక్ష పెంచుకుని హత్య చేశాడు.