Anakapalle: కాలువ‌లో దూకిన యువ‌తిని బయటకు తీసుకొచ్చి అత్యాచారం

గొడవ జ‌రుగుతున్న స‌మ‌యంలో యువ‌తి మ‌న‌స్తాపానికి గురై పక్కనే ఉన్న ఏలేరు కాలువ‌లో దూకింది. అయితే తేజ‌సాయి కుమార్ ఆ అమ్మాయిని కాపాడాడు. ఉడ్‌పేట‌లోని ఓ ఇంటికి తీసుకెళ్లి జులై 25 రాత్రి ఆమెపై అత్యాచారానికి పాల్పడ్డాడు. యువ‌తి అక్కడి నుండి కూండ్రంలోని త‌న స్నేహితురాలి ఇంటికి వెళ్లింది. యువ‌తి క‌నిపించ‌క‌పోవ‌డంతో, ఇంటికి రాక‌పోవ‌డంతో ఆమె త‌ల్లిదండ్రులు జులై 26న అన‌కాప‌ల్లి ప‌ట్టణ‌ పోలీస్ స్టేష‌న్‌లో ఫిర్యాదు చేశారు. మిస్సింగ్ కేసు న‌మోదు చేసి పోలీసులు విచారిస్తున్నారు. అదే రోజు సాయంత్రం యువ‌తి ఇంటికి చేరుకుంది. ఏడుస్తూ తనకు జ‌రిగిన దారుణాన్ని కుటుంబ సభ్యులకు చెప్పడంతో త‌ల్లిదండ్రులు పోలీసుల‌ను ఆశ్రయించారు. పోలీసులు తేజ‌సాయి కుమార్‌పై కిడ్నాప్‌, అత్యాచారం కేసును న‌మోదు చేశారు. తేజ‌సాయి కుమార్ మిత్రుల‌పై కూడా కిడ్నాప్ కేసు న‌మోదు చేశారు. నిందితులను అరెస్టు చేసి కోర్టులో హాజరుపర్చారు.