Bangladesh Fire Accident: 43 మంది సజీవదహనం.. ప్రమాదానికి కారణం ఏమిటంటే?

Bangladesh Fire Accident:బంగ్లాదేశ్ రాజధాని డాకలోని ఆరు అంతస్తుల షాపింగ్ మాల్‌లో రాత్రిపూట జరిగిన అగ్నిప్రమాదంలో 43 మంది మరణించారు. ఇంకా చాలా మంది గాయపడ్డారని ఆ దేశ ఆరోగ్య మంత్రి తెలిపారు. వేగంగా పై అంతస్తుల వరకు మంటలు వ్యాపించడంతో ప్రమాద తీవ్రత పెరిగినట్లు తెలుస్తోంది. ఈ మంటల్లో చిక్కుకుని మరో 40 మంది వరకు గాయాలపాలయ్యారు. సమాచారం తెలుసుకున్న ఫైర్ సిబ్బంది, పోలీసులు వెంటనే అక్కడికి వెళ్లారు. సహాయక చర్యల్లో పాల్గొన్నారు. దాదాపు 75 మందిని సురక్షితంగా కాపాడారు. రెస్టారెంట్‌లోని గ్యాస్‌ సిలిండర్‌ పేలడం వల్లే ఈ అగ్నిప్రమాదం సంభవించినట్లు తెలుస్తోంది.