బ్యాంకు మేనేజర్ ను కాల్చి చంపిన తీవ్రవాదులు..!

జమ్మూ కశ్మీర్‌లోని కుల్గామ్‌లో మూడు రోజుల్లో మరో వ్యక్తిని తీవ్రవాదులు కాల్చి చంపారు. లోయలో హిందువులపై జరిగిన రెండవ దాడిలో నాన్ లోకల్ బ్యాంకు మేనేజర్ ను కాల్చి చంపారు. రాజస్థాన్‌కు చెందిన బ్యాంక్ మేనేజర్‌ను ఉగ్రవాదులు కాల్చి చంపారు. ఎలాఖాహి దేహతి బ్యాంక్ మేనేజర్ విజయ్ కుమార్‌పై ఉగ్రవాదులు ఈరోజు అరేహ్ బ్రాంచ్‌లో దాడి చేశారు. ఆస్పత్రికి తరలిస్తుండగా మార్గమధ్యలో తుది శ్వాస విడిచాడు. రాజస్థాన్‌లోని హనుమాన్‌గఢ్ జిల్లా నివాసి అయిన కుమార్ కు ఇటీవల కుల్గాంలో పోస్టింగ్ ఇచ్చారు. ఆ ప్రాంతాన్ని చుట్టుముట్టామని, దాడికి పాల్పడిన ఉగ్రవాదుల ఆచూకీ కోసం ప్రయత్నిస్తున్నామని పోలీసులు తెలిపారు. జమ్మూకి చెందిన రజనీ బాలా అనే హిందూ ఉపాధ్యాయిని కుల్గామ్‌లో పాఠశాల వెలుపల ఉగ్రవాదులు చంపిన రెండు రోజులకే ఈ దాడి చోటు చేసుకుంది.