మనోజ్ పై కత్తితో దాడి చేసిన శిల్ప

యాదాద్రి భువనగిరి జిల్లా కలెక్టరేట్ కార్యాలయంలో కత్తి దాడి ఘటన స్థానికంగా కలకలం రేపింది. అగ్రికల్చర్ ఆఫీసులో పనిచేస్తున్న ఇద్దరు ఉద్యోగుల మధ్య ఘర్షణ కారణంగా ఈ దాడి జరిగిందని చెబుతున్నారు. మనోజ్ అనే ఉద్యోగిపై మరో మహిళా ఉద్యోగి కత్తితో దాడి చేసింది. ఈ ఘర్షణలో గాయపడిన మనోజ్‌ను తోటి ఉద్యోగులు జిల్లా ఆసుపత్రికి తరలించారు. ఆత్మ రక్షణ కోసమే దాడి చేయాల్సి వచ్చిందని సదరు మహిళా ఉద్యోగి తెలిపారు. సమాచారం అందుకున్న పోలీసులు సంఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు.