ఎంతకు తెగించార్రా.. 2 వేల కేజీల టమాటాలు చోరీ.. అంతటితో ఆగక..

బెంగళూరు చిత్రదుర్గలోని ఓ రైతు.. నిద్రహారాలు లేకుండా టమాట పంట చేతికొచ్చే వరకూ చూసుకున్నాడు. పంటను కోసి.. వాటిని వాహనంలోకి ఎక్కించాడు. సుమారు 2 వేల కిలోల వరకూ ఉంటుంది పంట. దానిని మార్కెట్ కు తీసుకెళ్లి.. అమ్మే ప్రక్రియను పూర్తి చేసేందుకు బయల్దేరాడు. ఈ విషయం తెలుసుకున్న కొందరు దుర్మార్గులు ఆ వాహనాన్ని ఫాలో అయ్యారు. ఓ ప్రాంతంలో టమాటాల లోడుతో వెళ్తున్న వాహనాన్ని పదే పదే ఢీ కొడుతూ పక్కదారి పట్టించారు. ఆ తరువాత రైతు, డ్రైవరుపై దాడి చేశారు. వారిద్ద ఉన్న డబ్బు లాక్కోవడమే కాకుండా.. ఖాతాల్లో ఉన్న డబ్బును తమ ఖాతాల్లోకి ట్రాన్స్ఫర్ చేసుకున్నారు. అనంతరం టమాటాల లోడు వాహనంతో ఉడాయించారు. చేతికి అందివచ్చిన పంటతో పాటు.. డబ్బులు కూడా పోగొట్టుకున్న ఆ రైతు .. లబోదిబోమంటూ పోలీసులకు ఫిర్యాదు చేశాడు. కేసు నమోదు చేసుకున్న పోలీసులు టమాటా దొంగల కోసం గాలింపు చేపట్టారు. ఇలాంటి ఘటనలు చూస్తే టమాటాలకు రక్షణగా బౌన్సర్లను పెట్టుకోవడంలో తప్పు లేదనిపిస్తుంది కదూ.