అన్నను కొట్టి చంపిన తమ్ముడు.. వివాహేతర సంబంధమే కారణమా ?

ఇంటికెళ్లిన బబ్లూ.. తన సోదరుడితో వివాహేతర సంబంధం గురించి భార్యను ప్రశ్నించాడు. ఇద్దరి మధ్య మాటలయుద్ధం జరుగుతుండగా.. అక్కడికి వెళ్లిన అర్జున్ కూడా ఈ విషయంపై బబ్లూతో గొడవకు దిగాడు. ఇద్దరి మధ్య వాగ్వాదం జరిగి.. గొడవ పెద్దదైంది. ఒకరినొకరు కొట్టుకుంటూ ఇంట్లో ఉన్న కిచెన్ లోకి వెళ్లారు. ఈ క్రమంలో అక్కడున్న ఫ్రయింగ్ పాన్‌తో అన్న బబ్లూ కుమార్ తలపై గట్టిగా కొట్టాడు అర్జున్ కుమార్. బబ్లూ స్పృహతప్పిపడిపోయే వరకు బాదుతూనే ఉన్నాడు. దీంతో బబ్లూ అక్కడే కూలిపోయాడు. వెంటనే అర్జున్ కుమార్ అక్కడ్నుంచి పారిపోయాడు. స్థానికుల ద్వారా సమాచారం అందుకున్న పోలీసులు.. ఘటనా ప్రాంతానికి వెళ్లి.. బబ్లూని ఆస్పత్రికి తరలించారు. అప్పటికే బబ్లూ మరణించాడు. కేసు నమోదు చేసుకున్న పోలీసులు అర్జున్ కుమార్‌ను అరెస్టు చేశారు.