కార్వీ గ్రూపు పై మరో కేసు నమోదు

కార్వీ గ్రూపుపై హైదరాబాద్ సిసిఎస్ లో మరో కేసు నమోదయ్యింది. లక్ష్మీ నివాస్ బ్యాంక్ అధికారులు ఇచ్చిన ఫిర్యాదు మేరకు హైదరాబాద్ సిసిఎస్ పోలీసులు కార్వీ గ్రూప్ సంస్థపై కేసు నమోదు చేశారు. గతంలో ఈ కార్వీ సంస్థపై కేసు నమోదు కావడంతో పోలీసులు సంస్థ ఎండిని అరెస్టు చేసి రిమాండ్ కు తరలించిన విషయం తెలిసిందే. లక్ష్మీ విలాస్ బ్యాంకు నుండి కార్వీ గ్రూప్స్ 75 కోట్ల రూపాయలను రుణం తీసుకుంది. అయితే తమ వద్ద తీసుకున్న కొన్ని కోట్ల రూపాయల రుణాన్ని కార్వీ సంస్థ నిర్వాహకులు దుర్వినియోగం చేశారని ఆరోపిస్తూ లక్ష్మీ విలాస్ బ్యాంక్ కోర్టును ఆశ్రయించడంతో పోలీసులు కేసు నమోదు చేసుకున్నారు. 2017లో కార్వీ రియాల్టీకి లక్ష్మీ విలాస్ బ్యాంక్ 75 కోట్ల రూపాయల రుణం మంజూరు చేసింది.