క్రికెట్ బెట్టింగ్ కి ఓ విద్యార్థి బలి

సతీష్ చేసిన అప్పుల గురించి కుటుంబ సభ్యులకు తెలియడంతో వారు కొంతవరకు తీర్చారు... అయినప్పటికీ కూడా సతీష్ అప్పులు మొత్తం తీరలేదు. ఈ క్రమంలోనే సతీష్ నెల రోజుల క్రితం విజయవాడ నుండి హైదరాబాద్ కు వచ్చి హాస్టల్లో ఉంటు న్నాడు. ఒకవైపు అప్పుల బాధ మితిమీరిపోవడం.. మరోవైపు మానసిక ఒత్తిడితో సతమతమైన సతీష్ తీవ్ర మనస్తాపంతో హాస్టల్ లోనే ఫ్యాన్ కు ఉరేసుకుని ఆత్మ హత్య చేసుకున్నాడు. సమాచారం అందుకున్న వెంటనే చిక్కడపల్లి పోలీసులు ఘటన స్థలానికి చేరుకుని సతీష్ మృతదేహాన్ని పోస్టుమార్టం నిమిత్తం గాంధీ మార్చురీకి తరలించారు. అనంతరం పోలీసులు సతీష్ మరణించిన విషయాన్ని కుటుంబ సభ్యులకు తెలియజేశారు. కొడుకు మరణించడంతో తల్లిదండ్రులు కన్నీరు మున్నీరుగా విలపిస్తున్నారు. క్రికెట్ బెట్టింగ్ కారణంగా ఓ విద్యార్థి బలి కావడంతో ఆ కుటుంబంలో విషాదఛాయలు అలుముకున్నాయి.