పాస్టర్ ప్రవీణ పగడాల మృతిపై అఫిషియల్ అనౌన్స్ మెంట్

ప్రవీణ్ పగడాల హైదరాబాద్ నుంచి రాజమండ్రికి బుల్లెట్ బైకుపై వెళుతూ తూర్పు గోదావరి జిల్లాలో మరణించి కనిపించారు. ఈ మృతిపై అనేక ఆరోపణలు వెల్లువెత్తాయి. దీంతో ప్రభుత్వం కూడా ఈ కేసును ఛేదించాలని ఉన్నతాధికారులను ఆదేశించింది. జరిగిన ఈ ఘటనపై పోలీసులు ప్రతిష్టాత్మకంగా తీసుకుని విచారణ చేపట్టారు. ప్రవీణ్ పగడాల కేసులో దాదాపు 200 సీసీటీవీ ఫుటేజీలను పరిశీలించిన తర్వాత మృతికి సంబంధించిన గల కారణాలపై అంచనాకు పోలీసు అధికారులు వచ్చినట్లు తెలిసింది.

ప్రవీణ్ పగడాల మృతిని అనుమానాస్పద కేసుగా నమోదు చేసి విచారణ చేపట్టారు. కొందరు సోషల్ మీడియాలో చేస్తున్న ప్రచారాన్ని నమ్మవద్దంటూ హెచ్చరికలు కూడా పోలీసు శాఖ జారీ చేసింది. హత్య అంటూ ఆరోపణలు చేసిన కొందరికి నోటీసులు ఇచ్చి మరీ వారిని విచారించింది. వారి వద్ద ఉన్న ఆధారాలను సమర్పిస్తే దాని ఆధారంగా కేసును పరిష్కరిస్తామని పోలీసులు తెలిపారు. అయితే ఆరోపణలు చేసిన వారి నుంచి ఎలాంటి ఆధారాలు లభించలేదని పోలీసు ఉన్నతాధికారులు తెలిపారు. దీంతో పాస్టర్ ప్రవీణ్ కుమార్ హత్యకు గురి కాలేదని పోలీసు ఉన్నతాధికారులు తెలిపారు. సీసీ టీవీ పుటేజీలో లభించిన ఆధారాల మేరకు రోడ్డు ప్రమాదంగానే భావిస్తున్నట్లు తెలిపారు.