ట్రాక్టర్ విషయంలో అన్నదమ్ముల మధ్య గొడవ.. ఎవరు బలయ్యారంటే?

దొరవలి గ్రామంలో మంగళవారం సాయంత్రం కాలు గుర్జర్ తన తమ్ముడికి చెందిన పొలంలో తన ట్రాక్టర్‌ను నడిపాడు. కరువా గుర్జార్ తన పొలంలో ట్రాక్టర్‌ ఎందుకు నడిపావు అంటూ గొడవ పెట్టుకున్నాడు. ఆ గొడవ కాస్తా పెద్దదైంది. కరువా తన అన్నయ్యను తుపాకీతో కాల్చడంతో ఛాతీలోకి తూటా దూసుకెళ్లింది. కుటుంబ సభ్యులు కాలు గుర్జర్‌ను చికిత్స కోసం గ్వాలియర్‌కు తరలించారు, అయితే అతను మార్గమధ్యంలో మరణించాడు. కరువా గుర్జర్ హడావిడిగా తన అన్న దహన సంస్కారాలకు ఏర్పాట్లు చేయడం ప్రారంభించాడు. అయితే హత్య విషయం తెలుసుకున్న పోలీసులు గ్రామానికి చేరుకున్నారు. పోలీసులకు సంబంధించిన సమాచారాన్ని అందుకున్న నిందితుడు అక్కడ నుండి పారిపోయాడు. పోలీసులు కాలు మృతదేహాన్ని స్వాధీనం చేసుకుని శవపరీక్షకు పంపారు. నిందితుడి కోసం పోలీసులు గాలిస్తూ ఉన్నారు.