అప్జల్ గంజ్ కాల్పుల కేసుల్లో పురోగతి

అప్జల్ గంజ్ కాల్పుల కేసుల్లో హైదరాబాద్ పోలీసులు కొంత పురోగతి సాధించారు. సీసీ టీవీ ఫుటేజీ ఆధారంగా సికింద్రాబాద్ రైల్వే స్టేషన్ వైపునకు వెళ్లినట్లుగా గుర్తించారు. ఆటోలో ట్యాంక్ బండ్ వద్దకు వచ్చి అక్కడి నుంచి మరొక ఆటోలో మారి సికింద్రాబాద్ కు వచ్చారు. అక్కడ కొత్త బ్యాగులను, బట్టలను కొనుగోలు చేశారు. బీదర్ లో దోచుకున్న సొమ్మును ఆ బ్యాగ్ లోకి మార్చి మరీ వెళ్లిపోయారు. కొత్త బట్టలు, కొత్త బ్యాగులతో వారు రైల్వే స్టేషన్ వరకూ వచ్చినట్లు సీసీటీవీ ఫుటేజీ ద్వారా తెలిసింది. మనీష్ పై ఇప్పటికే బీహార్ ప్రభుత్వం రివార్డు కూడా ప్రకటించింది. పోలీసుల కన్ను గప్పి పారిపోయేందుకు అనేక రకాలుగా నిందితులు ప్రయత్నిస్తున్నారు.