సాఫ్ట్ వేర్ ఉద్యోగిని ఆత్మహత్య

ఇటీవలే అభినవ్ - సౌందర్య దంపతులు హైదరాబాద్ కు మకాం మార్చారు. నగరంలోని కొండాపూర్ లో నివాసం ఉంటున్నారు. జూన్8న ఆమె విధులకు బయల్దేరి.. శంషాబాద్ లో ఓ భవనం పై నుండి దూకి ఆత్మహత్య చేసుకుంటున్నట్లు కుటుంబ సభ్యులకు ఫోన్ చేసి చెప్పింది. వారు వెంటనే 100కు డయల్ చేసి చెప్పడంతో పోలీసులు మొబైల్ సిగ్నల్ ఆధారంగా ఆ ప్రాంతానికి చేరుకున్నారు. అప్పటికే సౌందర్య బిల్డింగ్ పై నుండి దూకి తీవ్రంగా గాయపడింది. ఆసుపత్రికి తరలించగా చికిత్స పొందుతూ జూన్ 10 ఆదివారం నాడు మృతి చెందింది. ఈ ఘటనపై పోలీసులు కేసు నమోదు చేసుకుని దర్యాప్తు చేస్తున్నారు. సౌందర్య తల్లిదండ్రులు ఐదేళ్ల క్రితమే మరణించారు. జీవితం తాను ఊహించుకున్నట్లుగా లేదన్న బాధతో సౌందర్య చనిపోయిందని ఆమె స్నేహితులు చెబుతున్నారు. భర్త అభినవ్ ఇటీవలే ఉద్యోగం కోల్పోయి ఇంటికే పరిమితమయ్యాడు.