Anamika Bishnoi:భార్య ఇన్‌స్టాగ్రామ్ సెలెబ్రిటీ.. భర్త ఎందుకు చంపేశాడంటే?

Anamika Bishnoi:ప్రముఖ ఇన్‌స్టాగ్రామ్ ఇన్‌ఫ్లూయెన్సర్ అనామికా బిష్ణోయిని ఆమె భర్త తుపాకితో కాల్చి చంపాడు. రాజస్థాన్‌లోని ఫలోడీలో జరిగిందీ ఘటన. గదిలో కూర్చున్న భార్యను అతి సమీపం నుంచి తుపాకితో కాల్చడం అక్కడి సీసీటీవీ కెమెరాలో రికార్డయింది. భర్త చేతిలో హతమవడానికి ముందు ఆమె తన ఫాలోవర్లతో ఇన్‌స్టా లైవ్‌లో మాట్లాడింది. ఆమె చివరి వీడియో అదే. సోషల్ మీడియాలో లక్షకు పైగా ఫాలోవర్లు కలిగిన అనామికా కొంతకాలంగా భర్త నుంచి వేరుగా ఉంటోంది. ఆమె భర్త మహీరామ్‌ ఒక రౌండ్ కాల్చిన తర్వాత తుపాకి జామ్ కావడం వీడియోలో కనిపిస్తోంది. దీంతో తుపాకిని రీలోడ్ చేసి మరోసారి కాల్చాలని చేసిన ప్రయత్నాలు ఫలించలేదు. హత్య ఘటనపై సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. అప్పటికే నిందితుడు పరారయ్యాడు.