మొహర్రం వేడుకలు.. నలుగురు మృతి

శనివారం నాడు మొహరం పండుగ వేడుకలలో నిర్వహించే పీర్ల వేడుకలో ఊహించని విషాదం చోటు చేసుకుంది. జార్ఖండ్ రాష్ట్రంలో మొహరం పండగ వేళ నిర్వహించిన ఊరేగింపు కార్యక్రమంలో హై టెన్షన్ వైర్ తగిలి నలుగురు మృతిచెందగా, 13 మందికి తీవ్ర గాయాలయ్యాయి. జార్ఖండ్ రాష్ట్రం బొకారో జిల్లాలోనే ఖేత్కో అనే గ్రామంలో ఊరేగింపు కార్యక్రమాన్ని ఏర్పాటు చేశారు. తాజీయా, మసీద్ లను ఊరేగింపు చేశారు. ఈ వేడుకలో భారీగా ముస్లింలు పాల్గొన్నారు. వారు ఊరేగిస్తున్న తాజీయా.. హైటెన్షన్ వైర్లకు తాకింది. దీంతో దానిని పట్టుకున్న వారికి కరెంట్ షాక్ తగిలింది. ఈ క్రమంలో నలుగురు మృతి చెందారు. 13 మందికి తీవ్ర గాయాలయ్యాయి. క్షతగాత్రులను సమీపంలోని ఆస్పత్రికి తరలించారు.