హైదరాబాద్ లో ఆత్మహత్య చేసుకున్న కశ్మీర్ యువతి

చనిపోయే ముందు తన స్నేహితుడు సచిన్ కుమార్‌కు 'నాకు బతకాలని లేదు' ఓ మెసేజ్‌ పంపింది. అది చూసి అప్రమత్తమయ్యాడు సచిన్‌. సచిన్ హుటాహుటిన ప్లాట్‌కు వచ్చాడు. అతను ప్లాట్ కు వచ్చి చూసే సరికి తాళం వేసి ఉంది. ఫోన్ చేసినా స్పందించకపోవడంతో అతను కృతి రూమ్ మేట్ కు ఫోన్ చేశాడు. ఆమె తాళం పంపించగా తలుపులు తెరచి చూసారు. అప్పటికే కృతి ఉరికి వేలాడుతూ కనిపించింది. వెంటనే ఆమెను ఆస్పత్రికి తరలించగా కృతి అప్పటికే చనిపోయినట్లు వైద్యులు ప్రకటించారు. జమ్మూ కశ్మీర్ రాష్ట్రం సంబా జిల్లాలోని మండి తలోరా ప్రాంతానికి చెందిన అమ్మాయి కృతి సంబ్యాల్. ఆమె ఆత్మహత్య చేసుకోవడానికి గల కారణాలు మాత్రం తెలియరాలేదు. ఆమె మరణ వార్తను ఆమె తల్లిదండ్రులకు తెలియజేశారు. హైదరాబాద్ పోలీసులు కేసు నమోదు చేసుకొని దర్యాప్తు చేస్తున్నట్లు చెప్పారు. ఆమె కాల్ రికార్డులను పోలీసులు పరిశీలిస్తూ ఉన్నారు.