ఖమ్మంలో ప్రభుత్వ టీచర్ దారుణ హత్య.. షాకింగ్ విషయాలు

వెంకటాచారి కోసం నాయకన్ గూడెం శివారులో ముందుగానే కాపు కాసారు దుండగులు. బైక్ లో అతడు ఊరి బయటకు రాగానే దుండగులు కారును వెంకటాచారి బైక్ పైకి వేగంగా పోనిచ్చి ఢీకొట్టారు. అతడు కింద పడగానే మెడపై గొడ్డలితో నరికాడు. అతడు అక్కడికక్కడే మృతిచెందగా దుండగులు అక్కడి నుండి పరారయ్యారు. స్థానికులు పోలీసులకు ఫిర్యాదు చేశారు. వెంటనే ఘటనాస్థలికి చేరుకున్న పోలీసులు మృతదేహాన్ని పరిశీలించారు. పోస్టుమార్టం నిమిత్తం మృతదేహాన్ని ఏరియా హాస్పిటల్ కు తరలించారు. టీచర్ ను చంపిన దుండుగుల ఎరుపు రంగు కారులో వచ్చినట్లు ప్రత్యక్ష సాక్షులు పోలీసులకు తెలిపారు. ఆ మార్గంలోని సిసి కెమెరాలను పరిశీలించగా ఓ ఎరుపు కారు, దాని వెనకాలే బైక్ వెళుతుండగా పోలీసులు గుర్తించారు.