Tue Nov 19 2024 20:18:43 GMT+0000 (Coordinated Universal Time)
ఘోర ప్రమాదం.. టూ వీలర్ ను ఢీ కొట్టి.. దంపతుల మీదుగా వెళ్లిన లారీ
రామంతాపూర్ కు చెందిన పున్నగిరి- కమల దంపతులు టూ వీలర్ వాహనంపై రామంతాపూర్ చర్చ్ వైపుగా వెళ్తున్నారు. వారి వెనుక నుంచి..
రామంతాపూర్ : భాగ్యనగరంలో ఘోర రోడ్డు ప్రమాదం జరిగింది. టూ వీలర్ పై వెళ్తున్న దంపతులను వెనుక నుండి వచ్చిన లారీ ఢీ కొట్టింది. దాంతో వారిద్దరూ రోడ్డుపై పడిపోయారు. ఆ తర్వాత లారీ దంపతుల మీదుగా వెళ్లిపోయింది. ఈ ఘటన రామంతాపూర్ చర్చ్ ఎదురుగా జరిగింది. ప్రమాదంలో భార్య అక్కడికక్కడే చనిపోగా.. భర్త స్వల్పగాయాలతో బయటపడ్డారు.
రామంతాపూర్ కు చెందిన పున్నగిరి- కమల దంపతులు టూ వీలర్ వాహనంపై రామంతాపూర్ చర్చ్ వైపుగా వెళ్తున్నారు. వారి వెనుక నుంచి వచ్చిన లారీ బండిని ఢీ కొట్టడంతో కంట్రోల్ తప్పి, దంపతులిద్దరూ కిందపడిపోయారు. క్షణాల్లోనే ఆ లారీ కమల, పున్నగిరిల మీదుగా వెళ్లిపోయింది. దాంతో కమల ఘటనా ప్రాంతంలోనే ప్రాణాలు కోల్పోయింది. ఈ ప్రమాద ఘటన అక్కడున్న సీసీ టీవీ ఫుటేజీలో రికార్డయింది. పోలీసులు కేసు నమోదు చేసుకుని, దర్యాప్తు చేస్తున్నారు.
Next Story
