Thu Dec 19 2024 14:59:55 GMT+0000 (Coordinated Universal Time)
Advertisement
తాగుబోతు అమ్మాయిలు.. ప్రాణం తీశారుగా..!
రేంజ్ రోవర్‌లో ఇద్దరు అమ్మాయిలు ఉన్నారు. వారు పోలీసులతో దురుసుగా ప్రవర్తించారు. అమ్మాయిలను అదుపు చేయడానికి పోలీసులు నానా తంటాలు పడ్డారు
జాతీయ రహదారిపై రేంజ్ రోవర్ ఎస్‌యూవీ వాహనం ఢీకొనడంతో ఓ వ్యక్తి మృతి చెందగా, అతని భార్య, కుమార్తెకు గాయాలయ్యాయి. హర్యానాలో మద్యం మత్తులో ఉన్న ఇద్దరు యువతులు రేంజ్ రోవర్ కారుతో భీభత్సం సృష్టించారు. అంబాలాలో రోడ్డు పక్కన నిలబడి ఉన్న మరో కారును.. మద్యం మత్తులో ఉన్న యువతి తన కారుతో ఢీకొట్టింది. ఈ ప్రమాదంలో ఆగి ఉన్న కారులో ఉన్న వ్యక్తి మృతి చెందగా, అతని భార్య, పిల్లలకు తీవ్ర గాయాలయ్యాయి. పోలీసులు రంగంలోకి దిగడంతో యువతులు అతడిపై కూడా దాడికి పాల్పడ్డారు. పోలీసులు తెలిపిన వివరాల ప్రకారం, ఢిల్లీ-అమృత్‌సర్ జాతీయ రహదారిపై కారు ఢీకొనడంతో మోహిత్ శర్మ అనే 39 ఏళ్ల వ్యక్తి అక్కడికక్కడే మృతి చెందాడు. వాహనంలో 9 నెలల పాప ఉన్నట్లు వారు తెలిపారు. కారులో ఉన్న ఇద్దరు బాలికలు మద్యం మత్తులో ఉన్నారని అంబాలా డీఎస్పీ రామ్ కుమార్ పేర్కొన్నారు.
రేంజ్ రోవర్‌లో ఇద్దరు అమ్మాయిలు ఉన్నారు. వారు పోలీసులతో దురుసుగా ప్రవర్తించారు. అమ్మాయిలను అదుపు చేయడానికి పోలీసులు నానా తంటాలు పడ్డారు. మోహిత్ తన భార్య మరియు ఇద్దరు కుమార్తెలతో ప్రయాణిస్తున్నాడు. వారు ఢిల్లీ నుండి హిమాచల్ ప్రదేశ్‌కు వెళ్తున్నారు. వారు గ్రెయిన్ మార్కెట్ మొహ్రా దగ్గరకు చేరుకున్నప్పుడు, జ్యూస్ తాగడానికి ఆగారు. ఇంతలో, రేంజ్ రోవర్ వారి వాహనాన్ని వెనుక వైపు నుండి ఢీకొట్టింది. బాధితులను అంబాలా కంటోన్మెంట్ సివిల్ ఆసుపత్రికి తరలించారు. గాయపడిన మహిళ మాట్లాడుతూ "మేము జ్యూస్ తాగడానికి అక్కడ ఆగిపోయాము. ఒక్కసారిగా మా కారును మరో కారు ఢీకొట్టింది. నా చిన్న కూతురు కారులోంచి పడిపోయింది. నా భర్త తలకు గాయాలు కాగా, పెద్ద కూతురు కూడా గాయపడింది. మేము ఢిల్లీ వైపు నుండి వస్తున్నాము. ఓ అమ్మాయి మాపై దుర్భాషలాడింది" అని చెప్పుకొచ్చింది. ఆమెకు వైద్యం అందిస్తున్నామని, కేసు దర్యాప్తులో ఉందని అంబాలా కంటోన్మెంట్ ఎస్‌హెచ్‌ఓ నరేష్ కుమార్ తెలిపారు.
News Summary - A man was killed while his wife and a daughter suffered injuries after the car they were travelling in was hit by a Range Rover SUV on the National Highway here this evening.
Next Story
