ఫామ్ హౌస్ లో బీజేపీ నాయకుడు వ్యభిచారం నిర్వహిస్తున్నాడంటూ ఆరోపణలు.. ఎక్కడ పట్టుకున్నారంటే..?

మేఘాలయ రాష్ట్ర బీజేపీ ఉపాధ్యక్షుడు బెర్నార్డ్‌ మరక్‌ త‌న ఫార్మ్‌హౌజ్‌లో వ్య‌భిచార గృహాన్ని న‌డుపుతున్న‌ట్లు అత‌నిపై ఆరోప‌ణ‌లు ఉన్నాయి. యూపీలో అరెస్టు అయిన బెర్నార్డ్‌ను తీసుకువ‌చ్చేందుకు త‌మ బృందం వెళ్తున్నట్లు వెస్ట్ గారో హిల్స్ ఎస్పీ వివేకానంద సింగ్ తెలిపారు. వ్య‌భిచార గృహంలో ఆరుగురు చిన్నారులను పోలీసులు రక్షించారు. ఇద్దరు మైనర్‌ అమ్మాయిలు, నలుగురు అబ్బాయిలు ఉన్నారు. మొత్తం 73 మందిని అరెస్టు చేశారు. పశ్చిమ గారోహిల్స్‌ జిల్లాలో ఉన్న బెర్నార్డ్‌ మరక్‌కు చెందిన రింపు బగన్‌ అనే ఫాంహౌజ్‌పై దాడులు నిర్వహించినట్టు ఎస్పీ వివేకానంద్‌ సింగ్‌ వెల్లడించారు. 27 వాహనాలు, 400 మద్యం బాటిళ్లు, 500 కండోమ్స్‌ స్వాధీనం చేసుకున్నారు. త‌నిఖీ చేసిన స‌మ‌యంలో 47 మంది యువ‌కులు, 26 మంది మ‌హిళ‌లు.. బ‌ట్ట‌లు లేకుండా తాగిన మైకంలో ఉన్న‌ట్లు గుర్తించారు.

అచిక్ నేషనల్ వాలంటీర్ కౌన్సిల్ నుండి విడిపోయిన వర్గమైన, సాయుధ తిరుగుబాటు బృందం ANVC(B)కి మారక్ ఛైర్మన్. ఆయన బీజేపీలో చేరి మండలి ఎన్నికల్లో తురా నుంచి గెలుపొందారు. ఈ సంఘటన వెలుగులోకి వచ్చిన తర్వాత, మారక్ తనను తాను సమర్థించుకుంటూ, తాను నిర్దోషినని చెప్పాడు. తనపై ముఖ్యమంత్రి ప్రతీకారాన్ని తీర్చుకుంటూ ఉన్నారని.. తనకు ప్రాణభయం ఉందని అన్నారు. రాష్ట్ర బీజేపీ కూడా మారక్‌కు మద్దతు ఇచ్చింది. మేఘాలయ ఉప ముఖ్యమంత్రి ప్రిస్టోన్ టిన్‌సాంగ్ ఆరోపణలను తోసిపుచ్చారు. చట్టం తన పని తాను చేసుకుంటూ వెళిపోతుందని అన్నారు. మారక్ IPCలోని వివిధ సెక్షన్లు, అనైతిక ట్రాఫికింగ్ (నివారణ) చట్టం, 1956 కింద అభియోగాలను ఎదుర్కొంటున్నారు. అతడిపై ఇప్పటి వరకూ 25కి పైగా క్రిమినల్ కేసులు నమోదయ్యాయి.