మైనర్ బాలికపై అత్యాచారం.. అర్థరాత్రి ఫ్లై ఓవర్ పై వదిలివెళ్లిన వైనం

మంగళవారం రాత్రి 8 గంటల సమయంలో కొంతమంది వ్యక్తులు ఫ్లైఓవర్‌పైకి వెళ్లి బాలికను అక్కడ దింపారు. అపస్మారక స్థితిలో ఉన్న బాలికను గమనించిన బాటసారులు వెంటనే పోలీసులకు సమాచారం అందించారు. ఘటనాస్థలికి చేరుకున్న పోలీసులు బాలికను ఆస్పత్రికి తరలించారు. ఆమె పరిస్థితి విషమంగా ఉండడంతో ఆమెను ఐసీయూలో చేర్చారు. బాలిక విపరీతమైన నొప్పితో బాధపడుతోందని, అక్కడ నిలబడిన కొందరు వ్యక్తులు బాలికను వీడియో తీసిన్నట్లు ప్రత్యక్షసాక్షులు తెలిపారు. గుంపులో నుండి కొంతమంది పోలీసులకు ఫోన్ చేయడంతో పోలీసులు వచ్చి ఆమెను ఆసుపత్రికి తరలించారు. పోలీసులు తెలిపిన వివరాల ప్రకారం, బాలిక వయస్సు 15-16 సంవత్సరాలు ఉంది. ఆమెపై సామూహిక అత్యాచారం జరిగినట్లు భావిస్తున్నారు. బాధితురాలు ప్రస్తుతం తీవ్ర భయాందోళనకు గురై మాట్లాడే స్థితిలో లేదని, ఆమె పూర్తి స్పృహలోకి వచ్చాక వాంగ్మూలాన్ని తీసుకోనున్నట్లు పోలీసులు తెలిపారు.