8 గంటల్లోనే మియాపూర్ హత్య వెనుక ఉన్నదెవరో తేల్చేశారు

సీసీటీవీ ఫుటేజ్ ను ఆధారంగా చేసుకొని నిందితుడిని అరెస్టు చేశారు పోలీసులు. దేవేందర్ పై రతీష్ నాయర్ అనే వ్యక్తి కాల్పులు జరిపినట్లుగా పోలీసులు గుర్తించారు. రతీష్ నాయర్ ని అరెస్ట్ చేశామని మాదాపూర్ DCP సందీప్ వెల్లడించారు. వ్యక్తిగత కారణాలతోనే దేవేందర్ పై రతీష్ నాయర్ కాల్చి చంపినట్టుగా విచారణలో తేలింది. కలకత్తా కి చెందిన దేవేందర్ 9 ఏళ్లుగా సందర్శిని హోటల్ లో మేనేజర్ గా పనిచేస్తున్నాడు.. అదే హోటల్ లో కేరళ కి చెందిన రతీష్ నాయర్ మేనేజర్ గా చేరాడు. ఆ హోటల్ లో జనరల్ మేనేజర్ పోస్ట్ ఖాళీ అయ్యింది. ఈ పోస్ట్ కోసం ఇద్దరి మధ్య పోటీ వచ్చింది. దేవేందర్ పని తీరు మంచిగా ఉండటంతో హోటల్ యాజమాన్యం అతడికే జనరల్ మేనేజర్ గా ప్రమోషన్ ఇచ్చారు. దీంతో దేవేందర్ పై రితీష్ కోపం పెంచుకున్నాడు. రితీష్ ప్రవర్తన బాగోలేక పోవడంతో ఉద్యోగం లో నుంచి తొలగించారు. దీంతో దేవేందర్ పై మరింత కోపం పెంచుకున్నాడు. ఎలాగైనా చంపాలని అనుకున్నాడు.ఈ క్రమంలోనే రితీష్ బీహార్ వెళ్ళి.. ఒక కంట్రీ మేడ్ పిస్టల్ కొన్నాడు. దేవేందర్ హోటల్ నుంచి బయటకు వచ్చే టైం లో కాపుకాసి పక్కా ప్లాన్ ప్రకారం 5 రౌండ్లు కాల్పులు జరిపాడు. తర్వాత మెట్రో ట్రైన్ లో పారిపోయే ప్రయత్నం చేశాడు. కేవలం 8 గంటల్లోనే కేసును చేదించామని మాదాపూర్ DCP సందీప్ వెల్లడించారు.