చుల్ బుల్ పాండేను స్పాలో అతి దారుణంగా చంపేశారు

ముంబైలో చుల్ బుల్ పాండేను అతి దారుణంగా చంపేశారు. వర్లీలోని స్పాలో 50 ఏళ్ల వ్యక్తిని ముక్కలు ముక్కలుగా నరికి చంపారు. వర్లీ పోలీసులు తెలిపిన వివరాల ప్రకారం.. గురుసిద్ధప్ప వాఘ్‌మారే అలియాస్ చుల్‌బుల్ పాండే తన స్నేహితురాలితో కలిసి సియోన్ రైల్వే స్టేషన్ సమీపంలోని అపర్ణా బార్ & రెస్టారెంట్‌లో డ్రింక్స్ తాగి వర్లీ నాకా సమీపంలోని సాఫ్ట్ టచ్ స్పాకు వెళ్లాడు. స్పా గత ఆరు నెలలుగా మూసివేసి ఉంచారు. అయితే దాని యజమానికి సన్నిహితంగా ఉండే అతని స్నేహితురాలి ద్వారా లోపలి వెళ్ళాడు చుల్‌బుల్ పాండే. ఇద్దరూ స్పా లోపల ఉన్నప్పుడు, ముగ్గురు గుర్తుతెలియని వ్యక్తులు లోపలి చొరబడి పదునైన ఆయుధాలతో పదేపదే దాడి చేసి హతమార్చారు. అతడు చనిపోయాడని తెలిసినా కూడా ముక్కలు ముక్కలుగా నరికారు.