17 ఏళ్లకే అమ్మాయికి గుండెపోటు

చిన్న వయసులోనే పలువురు గుండె పోటుతో కుప్పకూలిపోతూ ఉండడం అందరినీ కలవరపెడుతూ ఉంది. గుజరాత్ రాష్ట్రంలో 12వ తరగతి చదువుతున్న 17 ఏళ్ల సైన్స్ విద్యార్థిని తానీషా గాంధీ అకస్మాత్తుగా గుండెపోటుతో మృతి చెందింది. గుజరాత్‌లోని నవసరి జిల్లాకు చెందిన తనీషా గాంధీ నవ్‌సారిలోని ఏబీ స్కూల్‌లో విశ్రాంతి సమయంలో పాఠశాల మెట్లు ఎక్కుతుండగా తనీషా కుప్పకూలింది. వెంటనే ఆమెను ఆసుపత్రికి తరలించగా అప్పటికే మృతి చెందినట్లు వైద్యులు నిర్ధారించారు. తనీషా తన స్నేహితుల వద్దకు చేరుకునే సమయంలో ఆమె మెట్లపై కుప్పకూలిపోయింది. తోటి విద్యార్థులు, పాఠశాల సిబ్బంది వెంటనే అధికారులకు సమాచారం అందించడంతో వెంటనే ఆమెను ప్రైవేట్‌ ఆస్పత్రికి తరలించారు. వైద్యులు ఆమె మరణాన్ని ధృవీకరించారు. దీంతో ఆమె పాఠశాలలోనూ, కుటుంబంలోనూ విషాద ఛాయలు అలముకున్నాయి.