మావోయిస్టులు అమర్చిన బాంబు పేలి జర్నలిస్ట్ మృతి..

వృత్తిలో భాగంగా మావోయిస్టుల కార్యకలాపాల గురించి తెలుసుకుంటూ ఉంటాడు. ఈ క్రమంలోనే మదన్‌పూర్ రాంపూర్‌ బ్లాక్‌లోని దోమ్‌కర్లకుంటా గ్రామం వద్ద మావోయిస్టులు ఓ చెట్టుకు అతికించిన పోస్టర్లు, బ్యానర్‌ను చూస్తున్నాడు. ఆ సమయంలో అక్కడ అమర్చిన ఐఈడీ బాంబు పేలి మరణించాడని కలహండీ ఎస్పీ డాక్టర్‌ వివేక్‌ చెప్పారు. భద్రతా సిబ్బంది లక్ష్యంగా మావోయిస్టులు బాంబులు అమర్చగా.. ఆ బాంబు పేలినట్లు పోలీసులు అనుమానిస్తున్నారు. కాగా.. జర్నలిస్టు మృతి పట్ల ఒడిశా ముఖ్యమంత్రి నవీన్ పట్నాయక్ సంతాపం ప్రకటించారు. రోహిత్ కుమార్ కుటుంబానికి రూ.13 లక్షల నష్టపరిహారం ప్రకటించారు. ఈ పరిహారం రూ.9 లక్షలు పోలీసులు ఇవ్వగా.. మిగతా రూ.4 లక్షలు జర్నలిస్టుల సంక్షేమ నిధి నుంచి అందించనున్నట్లు ఒడిశా ప్రభుత్వ మీడియా సలహాదారు మానస్ మంగరాజ్ తెలిపారు.