హైదరాబాద్ లో గొలుసు దొంగ వీడే

ఉమేష్ ఖతిక్ కుటుంబం గుజరాత్ లోని అహ్మదాబాద్ లో స్థిరపడింది. వాస్తవానికి వీరు రాజస్థాన్ కు చెందిన వారు. మరో నిందితుడు దీపక్ తో కలసి గుజరాత్ లో ఉమేష్ ఖతిక్ అనేక నేరాలకు పాల్పడినట్లు పోలీసులు గుర్తించారు. ఇతను తొలిసారి 2015లో అహ్మదాబాద్ క్రైం బ్రాంచ్ పోలీసులకు చిక్కాడు. ఈ నెల18న నాంపల్లికి వచ్చిన ఉమేష్ ఖతిక్ అక్కడే ఉన్న మెజిస్టిక్ హోటల్లో బస చేశాడు. ముంబయి నుంచి వచ్చినట్లు హోటల్ రికార్డులో పేర్కొన్నాడు. 19న ఉదయం నుంచి చైన్ స్నాచింగ్ లు మొదలు పెట్టాడు. వరంగల్ కు వెళ్లిన ఉమేష్ ఖతిక్ అక్కడి నుంచి ఇతర రాష్ట్రాలకు వెళ్లినట్లు పోలీసులు గుర్తించారు. అతని కోసం పోలీసులు గాలిస్తున్నారు.