బ్యాంకు స్కామ్ లో పురోగతి.. ఆ మహిళ కీలకం

పన్నెండు కోట్లను నేరగాళ్లు వివిధ అకౌంట్లకు బదిలీ చేశారు. బదిలీ అయిన వాటిలో మూడు కరెంట్ అకౌంట్లకు సంబంధించి ఆరా తీశారు. అయితే వీరికి సైబర్ నేరగాళ్లతో సంబంధం ఉండకపోవచ్చని పోలీసులు భావిస్తున్నారు. ఈ కేసులో కీలక భూమిక పోషించిందని అనుమానిస్తున్న షానాజ్ బేగం కోసం పోలీసులు వెతుకుతున్నారు. ఆమె దొరికితే కాని పూర్తి స్థాయిలో వివరాలు వెల్లడి కావు. ప్రతి లావాదేవీకి సంబంధించి ఓటీపీ షానాజ్ బేగం కు చేరింది. దీంతో ఆమె ఈ కేసులో కీలకంగా మారింది. అయితే ఆమె ఫోన్ స్విచ్ఛాఫ్ చేసి ఉండటంతో ఆమెను పట్టుకునేందుకు ప్రత్యేక బృందాలు బయలుదేరి వెళ్లాయి. ఈ డబ్బు మొత్తం నాలుగు అకౌంట్ల నుంచి ఈశాన్య, ఉత్తరాది రాష్ట్రాల్లోని 129 ఖాతాల్లోకి వెళ్లినట్లు పోలీసులు గుర్తించారు. ఆ దిశగా దర్యాప్తు చేస్తున్నారు.