తల లేకుండా యువతి శరీరం.. అందరూ హడల్

తెల్లవారుజామున మీరట్‌లోని లఖిపురా ప్రాంతంలో రోడ్డుపై పడి ఉన్న శవాన్ని చూసి అందరూ హడలిపోయారు. బాలిక తల నరికివేయబడింది. కేవలం మొండెం మాత్రమే అక్కడ ఉంది. చనిపోయిన యువతి వయసు 20-22 సంవత్సరాల మధ్య ఉంటుందని భావిస్తూ ఉన్నారు. బాధితురాలిని గుర్తించడానికి పోలీసు అధికారులు ప్రయత్నిస్తున్నారు. ఈ ఘటన లిసరి గేట్ పోలీస్ స్టేషన్ పరిధిలో చోటుచేసుకుంది. ప్రాథమిక విచారణ ఆధారంగా, యువతిని మరొకచోట చంపిన తర్వాత మృతదేహాన్ని ఆ ప్రాంతంలో విసిరినట్లు తెలిసింది. చుట్టుపక్కల ఉన్న అన్ని సీసీటీవీ కెమెరాల ఫుటేజీని పోలీసులు పరిశీలిస్తున్నారు.