సెటిల్‌మెంట్ కు పిలిచి కాల్చి చంపారు

హైదరాబాద్ లోని అంబర్ పేట్ కు చెందిన శ్రీనివాసరెడ్డి రియల్ ఎస్టేట్ వ్యాపారం చేస్తుంటారు. అయితే ఆయనకు, మరొకరికి మధ్య రియల్ వ్యాపారంలో మనస్పర్థలు తలెత్తాయి. కోట్ల రూపాయల వ్యాపారం కావడంతో ఎవరికి వారే తమకే భూములు చెందాలని భావిస్తారు. అదే కోవలో శ్రీనివాసరెడ్డిని ప్రత్యర్థులు సెటిల్‌మెంట్ కు పిలిచారు. సెటిల్‌మెంట్ కు శ్రీనివాసరెడ్డి తో పాటు రఘు అనే వ్యక్తి కూడా వెళ్లారు. అయితే ప్రత్యర్థులు జరిపిన కాల్పుల్లో శ్రీనివాసరెడ్డి మరణించగా, రఘుకు తీవ్రగాయాలయి ఆసుపత్రిలో చికిత్స పొందుతున్నారు. నిందితుల కోసం పోలీసులు గాలిస్తున్నారు.