విహార యాత్ర పేరుతో గంజాయి అమ్ముతున్న ముఠా అరెస్ట్

విహార యాత్ర గంజాయి స్మగ్లింగ్ గురించి తెలుసుకున్న పోలీసులు.. పక్కా ప్లాన్ ప్రకారం అబ్దుల్లాపూర్ మెట్ పోలీసు స్టేషన్ పరిధిలో పెద్ద అంబర్ పేట వద్ద నిందితుల కోసం కాపు కాశారు. పోలీసులు తమకోసం కాపు కాసి ఉన్నారని తెలియని నిందితులు ఎప్పటిలాగే విశాఖ జిల్లా విహార యాత్రకు వెళ్లి.. తిరిగి వచ్చేటపుడు గంజాయిని వెంట తీసుకుని వచ్చారు. నిందితులు ప్రయాణిస్తున్న రెండు కార్లను పోలీసులు అడ్డుకుని తనిఖీ చేయబోగా.. ముగ్గురు నిందితులు పరారయ్యారు. మరో నలుగురు నిందితులను పోలీసులు అరెస్ట్ చేసి.. వారి వద్ద నుంచి రూ. 32,52,500 విలువ జేసే 80 కేజీల గంజాయి, 4 సెల్ల్ ఫోన్లు, రూ. 2,500 నగదుతో పాటు బ్రిజా, స్విఫ్ట్ డిజైర్ కార్లను స్వాధీనం చేసుకున్నారు. పరారీలో ఉన్న నిందితుల కోసం గాలింపు చర్యలు చేపట్టారు.