మహేష్ ఫ్యామిలీ ప్రమోట్ చేసిన.. రియల్ ఎస్టేట్ కంపెనీపై చీటింగ్ కేసు

ఏప్రిల్ 2021లో షాద్ నగర్లో 14 ఎకరాల భూమి పై పెట్టుబడి పెట్టినట్లు ఫిర్యాదులో పేర్కొన్నారు. ఈ వెంచర్ లో నక్క విష్ణువర్థన్ అండ్ కో తో పాటు డాక్టర్ సుధాకర్ రావు, శ్రీకాకుళం విటల్ మహేష్, రాజేశ్, శ్రీనాథ్, కె.హరీష్, కోట్ల శశాంక్, సిహెచ్ రవి కుమార్, కె.ప్రభావతి, వెంకట్ రావు, కృష్ణ మోహన్ కూడా పెట్టుబడులు పెట్టగా.. ఒప్పందం జరిగింది. హెచ్ఎండీఏ నుంచి అనుమతులు వచ్చాక ప్లాట్ లను రిజిస్టర్ చేస్తామని హామీ ఇవ్వడంతో పెట్టుబడులు పెట్టినట్లు విష్ణువర్థన్ అండ్ కో చెబుతున్నారు. 2022 డిసెంబర్ కే ప్లాట్లను ఇస్తామన్నారని, తీరాచూస్తే ఆ ప్లాట్లు థర్డ్ పార్టీకి సేల్ డీడ్ చేసినట్లు తేలిందన్నారు. SRV & TNR ఇన్ ఫ్రా - రాజారామ్ అండ్ VASGI వెంకటేశ్ అనే ఫైనాన్షియర్ల పేర్ల మీదికి ప్లాట్లు వెళ్లిపోవడంతో కస్టమర్లు ఆందోళన చెంది కంచర్ల సతీష్ పై ఫిర్యాదు చేశారు. మహేష్ బాబు వంటి అగ్రనటులు బ్రాండ్ అంబాసిడర్ గా ఉండటంతో మోసం జరగదనుకున్నామని వాపోతున్నారు. కస్టమర్ల ఫిర్యాదుతో ఐపీసీ సెక్షన్ 406, 420 కింద నిందితులు ఆర్థిక అవకతవకలకు పాల్పడినట్లు కేసులు నమోదు చేశామని పోలీసులు తెలిపారు.