ఎనిమిది మందిని కాల్చి చంపాడు.. చివరికి

23 ఏళ్ల రోమియో నాన్స్ తనను తాను కాల్చుకుని చనిపోయాడని పోలీసులు తెలిపారు. నిందితుడు నాన్స్ కాల్పులు జరిగిన ప్రాంతానికి సమీపంలోనే నివసిస్తాడని తెలిపారు. ఎరుపు రంగు టయోటా క్యామ్రీ కారులో పరారయ్యాడు. అతడి వద్ద ఆయుధం ఉండడంతో స్థానిక పౌరులను జోలియట్ పోలీస్ డిపార్ట్‌మెంట్ అప్రమత్తం చేసింది. టెక్సాస్‌లోని నటాలియా సమీపంలో నాన్స్ ను గుర్తించారు. పోలీసులు చుట్టుముడుతూ ఉన్నారని భావించే సమయంలో అతను తనను తాను కాల్చుకుని చనిపోయాడు. చికాగో శివార్లలోని మూడు ప్రదేశాలలో నాన్స్ ఎనిమిది మంది వ్యక్తులను ఘోరంగా కాల్చిచంపాడు. హత్యకు గల కారణాలు స్పష్టంగా తెలియరాలేదని, అయితే బాధితులు నాన్స్‌కు తెలుసునని పోలీసులు తెలిపారు.