అత్తాపూర్ లో పీఈటీ టీచర్ ని వాయించిన జనం

అత్తాపూర్ లో విద్యార్థిని వేధించిన టీచర్ కు ప్రజలు దేహ శుద్ధి చేశారు. రాజేంద్రనగర్ పరిధిలోని ప్రైవేట్ స్కూల్ లో విష్ణు అనే వ్యక్తి పీఈటీగా పనిచేస్తున్నాడు. గత కొద్ది రోజులుగా విష్ణు ఆ స్కూల్ లో 8 తరగతి చదువుతోన్న విద్యార్థిని పట్ల అసభ్యంగా ప్రవర్తించడం మొదలుపెట్టాడు. విద్యార్థినికి ఫోన్లు చేసి ఇబ్బంది పెట్టడంతో విద్యార్థిని ఈ విషయాన్ని తన తల్లిదండ్రులకు చెప్పింది. దీంతో ఆమె తల్లిదండ్రులు, బంధువులు స్కూల్ కు చేరుకున్నారు. అప్పుడు విష్ణు ఇంకా స్కూల్ కు రాలేదని అతని ఫోన్ కూడా స్వీచ్ ఆఫ్ వస్తుందంటూ స్కూల్ యాజమాన్యం బుకాయించింది. చివరికి అతని జాడ కనిపెట్టి చితక్కొట్టారు.