నాకు ద‌క్క‌నిది మ‌రెవ్వ‌రికీ ద‌క్క‌నివ్వ‌ను : నెల్లూరు ఘటనలో జరిగింది ఇది !

ఇద్ద‌రూ సాఫ్ట్ వేర్ ఇంజ‌నీర్లు. కోవిడ్ కార‌ణంగా ఇద్ద‌రూ ప్ర‌స్తుతం వ‌ర్క్ ఫ్ర‌మ్ హోంలో భాగంగా ఇంట్లోనే ఉంటూ విధులు నిర్వ‌ర్తిస్తున్నారు. కావ్య అంటే సురేష్ కు ముందు నుంచే ఎంతో ఇష్టం ఉండేది. దీంతో ప‌లు మార్లు త‌మ కుటుంబ స‌భ్యుల‌తో క‌లిసి కావ్య అమ్మ‌నాన్న‌తో మాట్లాడి.. ఆమెను పెళ్లికి ఒప్పించాల‌ని కోరాడు. దీంతో ఆయన కుటుంబ సభ్యులు కూడా కావ్య తల్లిదండ్రులతో మాట్లాడారు. అప్పుడు కావ్య ఈ పెళ్లికి నిరాక‌రించింది. అంత‌టితో సురేష్ రెడ్డి వ‌ద‌ల‌కుండా మ‌ళ్లీ కావ్య‌కు మ‌నం పెళ్లి చేసుకుందాం అంటూ మెసేజెస్ చేయ‌డం ప్రారంభించారు. ఏడాది కాలంగా కావ్య ఒప్పుకుంటుంద‌ని వేచి చూశాడు. ఎంత‌కీ ఒప్పుకోక‌పోగా సురేష్ నెంబ‌ర్ ను బ్లాక్ చేసింది. ఎంతో కాలంగా ఎదురుచూసిన సురేష్ రెడ్డి.. తన నంబరును బ్లాక్ చేయడంతో కోపంతో ర‌గిలిపోయాడు. దీంతో ఆమెను ఎలాగైనా హ‌త‌మార్చాల‌ని నిర్ణ‌యించుకున్నాడు.

సురేష్ రెడ్డి త‌న వ‌ద్ద ఉన్న తుపాకీ ప‌ట్టుకుని సోమవారం మధ్యాహ్నం స‌మ‌యంలో కావ్య ఇంటికి వెళ్లాడు. కావ్య‌, త‌న సోద‌రి ఇద్ద‌రూ క‌లిసి ల్యాప్ టాప్ లో ఆఫీస్‌ వ‌ర్క్ చేసుకుంటున్నారు. ఇదే స‌మ‌యంలో డోర్ ఓపెన్ చేసి కావ్య‌ను తుపాకీతో కాల్చేందుకు ప్ర‌య‌త్నించాడు. వెంట‌నే త‌న సోద‌రి అడ్డుకునేందుకు ప్ర‌య‌త్నించ‌గా, ఆమెను ప‌క్క‌కు తోసేసి మ‌ళ్లీ ద‌గ్గ‌ర నుంచి కాల్చి చంపేశాడు. పక్కనే ఉన్న సోద‌రి ర‌క్త‌పు మ‌ర‌క‌లు చూసి ఒక్క‌సారిగా అప‌స్మార‌క స్థితిలోకి వెళ్లిపోయింది. సురేష్ రెడ్డి అక్క‌డి నుంచి బ‌య‌ట‌కు వ‌చ్చి నిర్మాణంలో ఉన్న భ‌వ‌నంలోకి వెళ్లి తాను కూడా అదే తుపాకీతో కాల్చుకుని ఆత్మ‌హ‌త్య చేసుకున్నాడు. విష‌యం తెలుసుకున్న పోలీసులు సురేష్ రెడ్డికి తుపాకీ ఎవ‌రిచ్చారు? ఎక్క‌డ నుంచి వ‌చ్చింది? అనే దానిపై విచార‌ణ చేప‌ట్టారు. ఎప్పుడు కొనుగోలు చేశాడు? ఎన్ని రోజుల నుంచి త‌న వ‌ద్ద ఉంచుకున్నాడు? అనే దానిపై దృష్టి సారించారు. అంతేకాకుండా కావ్య‌, సురేష్ ల మ‌ధ్య జ‌రిగిన ఫోన్ సంబాష‌ణ‌లు, చాటింగ్ లను పరిశీలించి.. త‌ప్పెవ‌రిది అనే కోణంలో కూడా విచార‌ణ చేస్తున్నారు.