అమెరికాలో తెలుగు విద్యార్థి మృతి

అమెరికాలో తెలుగు విద్యార్థి ప్రాణాలు కోల్పోయాడు. ఉన్నత చదువుల నిమిత్తం అమెరికాకు వెళ్లిన విద్యార్థి అక్కడే ప్రాణాలు వదిలాడు. మల్కాజిగిరిలోని మారుతీనగర్ రోడ్డు నంబరు 8కు చెందిన రైల్వే ఉద్యోగి అశోక్ చిన్న కుమారుడు బాలరేవంత్ ఎంఎస్ చేయడానికి అమెరికాలోని చికాగోకు వెళ్లాడు. అక్కడ స్నేహితులతో కలిసి రూమ్ లో ఉంటున్నాడు. గురువారం రాత్రి అందరూ కలిసి నిద్రపోయారు. ఉదయాన స్నేహితులు అతడిని నిద్ర లేపడానికి ప్రయత్నించారు. అతడు అచేతనంగా పడి ఉండడంతో ఆస్పత్రికి తరలించారు. అప్పటికే అతడు చనిపోయాడని ఆస్పత్రి వర్గాలు తెలిపాయి.