కుమార్తె మారలేదు.. మారణశాసనం రాసిన తండ్రి

తమిళనాడులో దారుణం చోటు చేసుకుంది. ఓ తండ్రి తన కుమార్తెను దారుణంగా హతమార్చాడు. తిరుచ్చి జిల్లా ఊరక్కరై గ్రామంలో తండ్రి తన కూతురిని గొంతునులిమి హత్య చేసిన ఘటన ఆ ప్రాంతంలో సంచలనంగా మారింది. కుమార్తె తన రిలేషన్ షిప్స్ తండ్రికి తెలియడం.. ఇష్టం వచ్చినట్లు తిరుగుతుండడం ఆమె తండ్రికి ఏ మాత్రం నచ్చలేదు. దీంతో ఆమెను హత్య చేశాడు. దేవారంపట్టి సమీపంలోని అటవీ ప్రాంతంలో ఓ యువతి మృతదేహం ఉన్నట్లు అటవీ శాఖ సిబ్బందికి తెలిసింది. పోలీసులు కేసు నమోదుచేసి విచారణ జరిపారు. మృతురాలు ఊరక్కరై గ్రామానికి చెందిన అరివళగన్‌ కుమార్తె ప్రియాంక అని తెలిసింది. ఆమె పద్దతి నచ్చని తండ్రి సహించలేకపోయాడు. దీంతో ఆగ్రహం వ్యక్తం చేసిన తండ్రి.. కుమార్తెను మారమని చెప్పినా మార్పు రాకపోవడంతో ఆమెను హతమార్చినట్లు విచారణలో తేలిందని పోలీసులు తెలిపారు.