కామారెడ్డి జిల్లాలో దారుణం.. ప్రియుడితో కలిసి భర్తను చంపేసిన భార్య

కామారెడ్డి జిల్లాలో ప్రియుడితో కలిసి కట్టుకున్న భర్తనే హత్య చేసిందో భార్య. కామారెడ్డి జిల్లాలోని ఎల్లారెడ్డి పట్టణంలో చోటు చేసుకున్న ఈ దారుణం ఆలస్యంగా వెలుగు చూసింది. కర్ణాటకకు చెందిన రమేష్ (26) అనే యువకుడు తన భార్యతో కలిసి ఎల్లారెడ్డి పట్టణంలోని నూతనంగా నిర్మిస్తున్న భవనములో వాచ్మెన్‌గా పనిచేస్తున్నాడు. గతంలో ఈ జంట వికారాబాద్ పట్టణంలో ఉండేవారు. ఆ సమయంలో వికారాబాద్ పట్టణానికి చెందిన దస్తప్పాతో రమేష్ భార్యకు అక్రమ సంబంధం ఏర్పడింది. వారి కుటుంబంలో గొడవలు జరుగుతున్నాయి. ఈ గొడవల కారణంగా రమేష్ తన కుటుంబాన్ని కామారెడ్డి జిల్లా లోని ఎల్లారెడ్డి పట్టణానికి మార్చాడు. రమేష్ భార్య తన ప్రవర్తన మార్చుకోలేదు.. ప్రియుడు దస్తప్పాను పిలిపించుకుంటూ ఉండడంతో.. ఈ విషయం తెలిసిన రమేష్ భార్యను హెచ్చరించాడు.