ఫ్యాక్ట్ చెక్: ఎన్సీపీ నేత సుప్రియా సూలే వైరల్ ఆడియోను ఏఐ ద్వారా రూపొందించారు.
మహారాష్ట్రలోని 288 అసెంబ్లీ స్థానాలకు ఓటింగ్ ప్రారంభమైంది, రాష్ట్రంలో అధికారం కోసం అధికార మహాయుతి, ప్రతి పక్ష మహా
Claim :
మహారాష్ట్ర ఎన్నికల్లో డబ్బులు పంచడానికి సుప్రియా సూలే బిట్కాయిన్లను అక్రమంగా ఉపయోగిస్తున్నారుFact :
వైరల్ ఆడియోను ఏఐ ద్వారా రూపొందించారు, అలాటిది ఏమి జరగలేదు
మహారాష్ట్రలోని 288 అసెంబ్లీ స్థానాలకు ఓటింగ్ ప్రారంభమైంది, రాష్ట్రంలో అధికారం కోసం అధికార మహాయుతి, ప్రతి పక్ష మహా వికాస్ అఘాడి పోటీ పడుతున్నాయి. ముఖ్య నేతలు ముఖ్యమంత్రి ఏక్‌నాథ్ షిండే, డిప్యూటీ దేవేంద్ర ఫడ్నవీస్, NCP నాయకులు సుప్రియా సూలే, అజిత్ పవార్, పలువురు బాలీవుడ్ తారలు, క్రికెటర్లు ఎన్నికలలో ఓటు వినియోగించారు.
క్లెయిం కు చెందిన స్క్రీన్ షాట్ ఇక్కడ చూడొచ్చు
ఫ్యాక్ట్ చెకింగ్:
ఈ సంఘటన గురించి ఏవైనా వార్తా నివేదికల కోసం శోధించినప్పుడు, NCP నాయకురాలు బిట్‌కాయిన్ లావాదేవీలకు పాల్పడిందనే ఆరోపణలను కొట్టిపారేసిన నివేదికలను మేము కనుగొన్నాము. సుప్రియ స్పందిస్తూ, ఆడియో కల్పితమని తెలిపారు. "నేను బిట్‌కాయిన్, క్రిప్టోకరెన్సీకి వ్యతిరేకంగా మాట్లాడాను. వాటి వలన తీవ్రమైన సమస్యలు వస్తాయని వాదించిన వ్యక్తిని" అని ఆమె స్పష్టం చేశారు. ఇండియా టుడే ప్రచురించిన వీడియో ఇంటర్వ్యూ ఇక్కడ ఉంది, ఇందులో ఆమె వైరల్ అవుతున్న వాదనలను కొట్టిపారేయడాన్ని మనం వినవచ్చు.
ఏ ఎన్ ఐ వారు షేర్ చేసిన వీడియో ను కూడా ఇక్కడ చూడొచ్చు
ఇండియన్ ఎక్స్ ప్రెస్ వారి లిట్ హౌస్ జర్నలిజం ఫ్యక్ట్ చెక్ సంస్థ కూడా ఈ వాదన ను అబద్దం అని నిరూపించింది. కనుక, వైరల్ పోస్ట్‌లలో వినిపిస్తున్న వాయిస్ ఎన్సీపీ నేత సుప్రియా సూలేది కాదు. ఆర్టిఫీషియల్ ఇంటెలిజెన్స్ ద్వారా రూపొందించిన వాయిస్. మహారాష్ట్రలో జరుగుతున్న ఎన్నికలకు నగదు లావాదేవీల కోసం సుప్రియా సూలే బిట్కాయిన్లను అక్రమంగా ఉపయోగిస్తున్నారనే వాదన అవాస్తవం.
