ఫ్యాక్ట్ చెక్: సోదరుడు కేటీఆర్ తన జీవితంలో విలన్ అయ్యారని బీఆర్ఎస్ ఎమ్మెల్సీ కవిత చెప్పలేదు

2024 సంవత్సరంలో BRS నాయకురాలు, తెలంగాణ మాజీ ముఖ్యమంత్రి KCR కుమార్తె కల్వకుంట్ల కవిత ఎన్నో సవాళ్ళను ఎదుర్కొన్నారు. ఢిల్లీ లిక్కర్ పాలసీ కేసుకు సంబంధించిన ఆరోపణలను ఎదుర్కొన్నారు ఆమె. జైలు పాలయ్యారు కూడా. జైలు నుండి విడుదలైన తర్వాత, ఆమె BRSకి బ్రాండ్ అంబాసిడర్‌గా ఎదగడం ప్రారంభించారు. పార్టీ ఇప్పుడు ఆమెను పోరాట యోధురాలిగా చిత్రీకరిస్తోంది.

అధికార కాంగ్రెస్ పార్టీపై ఆమె పలు వేదికల మీద విమర్శలు గుప్పిస్తున్నారు. అర్హత కలిగిన మహిళలకు వారి వివాహాలకు 10 గ్రాముల బంగారం అందిస్తానని కాంగ్రెస్ ప్రభుత్వం ఇచ్చిన హామీని నెరవేర్చడంలో విఫలమైందని కవిత మార్చి 26 బుధవారం నాడు తెలంగాణ శాసన మండలిలో నిరసన ప్రదర్శన నిర్వహించారు. ఈ నిరసనలో తెలుగు, హిందీ, ఆంగ్లంలో "10 గ్రాముల బంగారం" అని సింబాలిక్ బంగారు ఇటుకలను ప్రదర్శించారు. ఇక కాంగ్రెస్ నేతృత్వంలోని ప్రభుత్వం ఎన్నికల ముందు ఇచ్చిన వాగ్దానాల వైపు దృష్టి పెట్టాలని ఆమె అన్నారు. కాంగ్రెస్ ప్రజలను తప్పుదారి పట్టించిందని, వాగ్దానాలను నిలబెట్టుకోవడంలో విఫలమైందని విమర్శించారు, ఈ వైఫల్యం చాలా మంది మహిళలు, కుటుంబాల ఆశలను విచ్ఛిన్నం చేసిందని ఆరోపించారు.

తెలంగాణ స్క్రైబ్ డిజిటల్ పేరుతో వార్తాపత్రిక క్లిప్పింగ్ వైరల్ చిత్రం కల్పితమైనది. కేటీఆర్ తన జీవితంలో విలన్ అని బిఆర్ఎస్ ఎమ్మెల్సీ కవిత వ్యాఖ్యానించలేదు. వైరల్ అవుతున్న వాదనలో ఎలాంటి నిజం లేదు.