ఫ్యాక్ట్ చెక్: అదానీ అరెస్ట్ అంటూ వైరల్ అంటూ పోలీసులు పట్టుకున్న ఫోటోను ఏఐ ద్వారా సృష్టించారు

అదానీ గ్రూప్ సంస్థలు అమెరికా పెట్టుబడిదారుల నుంచి నిధులు సేకరించి, ఆ నిధులను భారత్‌లోని అధికారులకు లంచాలు ఇవ్వడానికి ఉపయోగించారని ఆరోపణలు చేశారు. 2020-2024 మధ్య అదానీ గ్రూప్ అమెరికా సంస్థల ద్వారా దాదాపు 2 బిలియన్ డాలర్లు నిధులు సేకరించిందని అభియోగాలు నమోదయ్యాయి.

గౌతమ్ అదానీని వెంటనే అరెస్ట్ చేయాలని కాంగ్రెస్ నేత రాహుల్ గాంధీ డిమాండ్ చేశారు. అమెరికాలోనూ అదానీ అక్రమాలకు పాల్పడ్డారని, అందుకే ఆయనపై అక్కడ కేసు నమోదయిందని రాహుల్ అన్నారు. అదానీని రక్షించేందుకు మోదీ నిరంతరం శ్రమిస్తున్నారన్న రాహుల్ గాంధీ లంచాలు ఇవ్వచూపిన కేసులో విచారణ చేసి అదానీని అరెస్ట్ చేయాలని రాహుల్ గాంధీ డిమాండ్ చేశారు.

తమపై వచ్చిన ఆరోపణలు నిరాధారమని అదానీ గ్రూప్‌ స్పష్టం చేసింది. లంచాలు ఇచ్చినట్లు వచ్చిన ఆరోపణలను ఖండిస్తున్నామని, చట్టప్రకారం వ్యాపార కార్యకలాపాలు నిర్వహిస్తున్నామని, ఈ వ్యవహారంపై న్యాయపరమైన చర్యలు తీసుకునేందుకు సిద్ధమని తెలిపింది.

ఇంతలో గౌతమ్ అదానీని అమెరికా పోలీసులు అదుపులోకి తీసుకున్నారన్నట్లుగా ఓ ఫోటో సోషల్ మీడియాలో వైరల్ అవుతూ ఉంది. పలువురు ఈ ఫోటోను షేర్ చేస్తూ ఉన్నారు.

"బిగ్ బ్రేకింగ్:
గౌతమ్ అదానీ, అతని మేనల్లుడు సాగర్ అదానీలకు అమెరికా ఫెడరల్ కోర్టు అరెస్ట్ వారెంట్లు జారీ చేసింది.
ఈ అరెస్ట్ వారెంట్ విదేశీ చట్ట అమలు సంస్థలకు కూడా పంపబడుతుంది.
మోడీ ప్రభుత్వానికి భారీ అవమానం." అంటూ పోస్టులు పెట్టారు.

వైరల్ అవుతున్న పోస్టులకు సంబంధించిన స్క్రీన్ షాట్ ను ఇక్కడ చూడొచ్చు