ఫ్యాక్ట్ చెక్: తమిళనాడు ముఖ్యమంత్రి MK స్టాలిన్‌పై లైంగిక ఆరోపణలపై CIA విచారణ చేస్తోందని ఇన్ఫోగ్రాఫిక్ పోస్టుల్లో ఎలాంటి నిజం లేదు

స్టాలిన్‌పై లైంగిక ఆరోపణలు రావడంతో సెంట్రల్ ఇంటెలిజెన్స్ ఏజెన్సీ (సిఐఎ) దర్యాప్తు చేస్తోందని ఆ పోస్టులో ఉంది. “1970 లలో వికీలీక్స్ లో వివిధ మహిళలతో లైంగిక దుష్ప్రవర్తన ఆరోపణలు వచ్చాయి, అయితే దానిపై ఇంకా ఎటువంటి చర్య తీసుకోలేదు! ప్రస్తుతం సెంట్రల్ ఇంటెలిజెన్స్ ఏజెన్సీ ఈ కోణంలో దర్యాప్తు చేయాలని యోచిస్తోంది." అని పోస్టులో ఉంది.

ముఖ్యంగా, ఎంకే స్టాలిన్‌పై దాఖలైన లైంగిక దుష్ప్రవర్తన ఫిర్యాదుపై CIA దర్యాప్తు చేస్తోంది అనే ప్రచారంపై ఎలాంటి అధికారిక నివేదిక లేదు.

ఈ వార్తలను ఏ మీడియా సంస్థ లేదా అధికార ప్రతినిధి ధృవీకరించలేదు.

పుతియా తలైమురా మీడియా సంస్థకు సంబంధించిన ప్లాట్‌ఫారమ్‌లలో దేనిలోనూ మేము ఈ గ్రాఫిక్ కార్డ్‌ని కనుగొనలేకపోయాము. వారి సోషల్ మీడియా హ్యాండిల్స్ లేదా వెబ్‌సైట్‌లలో అలాంటి సమాచారం ఏదీ లేదు. వైరల్ ఇన్ఫోగ్రాఫిక్‌లో ఉపయోగించిన ఫాంట్ శైలి, పుతియా తలైమురా ప్రచురించే అధికారిక ఇన్ఫోగ్రాఫిక్స్‌లో ఉపయోగించిన శైలితో సరిపోలడం లేదని కూడా మేము గమనించాము.

దీంతో ఆ వైరల్ పోస్ట్ ఫేక్ అయి ఉండవచ్చని మేము భావిస్తున్నాం.

సదరు మీడియా సంస్థ కూడా ఆ ఇన్ఫోగ్రాఫిక్‌ను ప్రచురించలేదని స్పష్టం చేసింది. ఎంకే స్టాలిన్ గురించి సదరు మీడియా సంస్థ ఆపాదించినట్లుగా.. పుతియా తలైమురా అధికారిక ధృవీకరణలో ఎటువంటి నిజం లేదని మేము కనుగొన్నాము. ఇది ఫేక్ న్యూస్ అని చాలా స్పష్టంగా తెలుస్తోంది.