నిజ నిర్ధారణ (Telugu FactCheck)

ఫ్యాక్ట్ చెక్: అనుష్క శర్మ రెండో బిడ్డతో ఉన్న ఫోటో అంటూ వైరల్ అవుతున్న పోస్టుల్లో నిజం లేదు

భారత క్రికెటర్ విరాట్ కోహ్లీ వ్యక్తిగత కారణాలతో ఇంగ్లండ్‌తో టెస్ట్ సిరీస్ కు దూరమయ్యాడు. కోహ్లి తల్లి అనారోగ్యంతో ఉండడంతో ఆమెతో కలిసి ఉండటానికి మొదటి రెండు టెస్టులకు దూరంగా ఉన్నారనే ఊహాగానాలు సోషల్ మీడియాలో విస్తృతంగా వ్యాపించాయి.

By 13 Feb 2024 4:08 AM GMT
Anushka sharma- virat kohli

  • Claim :

    రాట్ కోహ్లి, అనుష్క శర్మలకు రెండో సంతానం కలిగింది. వామికకు ఒక సోదరుడు వచ్చాడు

  • Fact :

    ఈ జంట రెండో బిడ్డకు జన్మనివ్వబోతోందన్న ఊహాగానాలు వినిపిస్తున్నప్పటికీ.. రెండో బిడ్డ పుట్టిందన్న వార్తల్లో నిజం లేదు.

భారత క్రికెటర్ విరాట్ కోహ్లీ వ్యక్తిగత కారణాలతో ఇంగ్లండ్‌తో టెస్ట్ సిరీస్ కు దూరమయ్యాడు. కోహ్లి తల్లి అనారోగ్యంతో ఉండడంతో ఆమెతో కలిసి ఉండటానికి మొదటి రెండు టెస్టులకు దూరంగా ఉన్నారనే ఊహాగానాలు సోషల్ మీడియాలో విస్తృతంగా వ్యాపించాయి. అయితే ఆ వార్తలను విరాట్ కుటుంబ సభ్యులు తోసిపుచ్చారు.

దక్షిణాఫ్రికా మాజీ కెప్టెన్, ఆర్సీబీ ఆటగాడు AB డివిలియర్స్ తన YouTube ఛానెల్‌లో Q&A సెషన్‌లో మాట్లాడుతూ విరాట్ కోహ్లీ, అనుష్క శర్మ తమ రెండవ బిడ్డ కోసం ఎదురుచూస్తున్నారని వెల్లడించారు.
ఇంతలో, కొన్ని యూట్యూబ్ ఛానెల్‌లు ఈ జంటకు రెండవ బిడ్డ కలిగిందని, అనుష్క శర్మ తన బిడ్డతో ఉన్న చిత్రాన్ని సోషల్ మీడియాలో పోస్టు చేశారు. ఆ ఫోటోలలో మగబిడ్డ ఉన్నాడు.

ఫ్యాక్ట్ చెకింగ్:

వైరల్ అవుతున్న వాదనలో ఎలాంటి నిజం లేదు. వైరల్ పోస్టులలో పంచుకున్న చిత్రం పాతది.. మార్ఫింగ్ చేశారు.
విరాట్ కోహ్లి, అనుష్క శర్మలు రెండో బిడ్డకు జన్మనివ్వబోతున్నారనే విషయాన్ని దక్షిణాఫ్రికా మాజీ క్రికెటర్ ఎబి డివిలియర్స్ వెల్లడించినప్పటికీ, గర్భం దాల్చినట్లు ఎటువంటి ఇతర ప్రకటనలు లేదా నివేదికలు లేవు.
డివిలియర్స్ తన యూట్యూబ్ ఛానెల్‌లోని ప్రశ్నోత్తరాల సెషన్‌లో ఓ అభిమాని ఇంగ్లండ్‌తో జరిగిన మొదటి రెండు టెస్ట్‌ల నుండి వైదొలిగిన తర్వాత కోహ్లీని సంప్రదించారా.. అతను చివరి మూడు మ్యాచ్‌లకు తిరిగి వచ్చే అవకాశం ఉందా అని ప్రశ్నించారు. డివిలియర్స్ కోహ్లీతో జరిపిన చాట్ ను చదవడం ప్రారంభించాడు, ఆ సమయంలో భారత మాజీ కెప్టెన్ విరాట్ కోహ్లీ, అతని భార్య అనుష్క తమ రెండవ బిడ్డ కోసం ఎదురుచూస్తున్నారని డీవిలియర్స్ ధృవీకరించాడు.
విరాట్ కోహ్లీ కుటుంబానికి ప్రాధాన్యత ఇస్తాడని డివిలియర్స్ వెల్లడించాడు. చాలా మంది ప్రాధాన్యత కుటుంబమే అని నేను అనుకుంటున్నానని కూడా డివిలియర్స్ వివరించాడు.

తాజా ఇంటర్వ్యూలో డివిలియర్స్ మాట్లాడుతూ.. తాను విరాట్ కోహ్లీ కుటుంబం గురించి ప్రకటన చేసి తప్పు చేశానని తెలిపాడు. విరాట్ కోహ్లీ కుటుంబానికి క్షమాపణలు చెబుతున్నాను. ప్రతి ఒక్కరూ గోప్యతను గౌరవించాలని డివిలియర్స్ అన్నాడు. తొలుత కుటుంబం. ఆ తర్వాతే క్రికెట్. నేను నా యూట్యూబ్ ఛానెల్‌లో పెద్ద తప్పు చేశాను. ఆ సమాచారం తప్పు. అందులో నిజం లేదు. ఏం జరుగుతుందో ఎవరికీ తెలియదు. కోహ్లీ విరామానికి కారణం ఏమైనప్పటికీ మరింత దృఢంగా, మెరుగ్గా, నూతనోత్సాహంతో తిరిగి వస్తాడని ఆశిస్తున్నానంటూ తన యూట్యూబ్‌ ఛానల్‌లో డివిలియర్స్ వివరించాడు.

మేము యూట్యూబ్ వీడియోలలో ఉపయోగించిన అనుష్క శర్మ చిత్రాన్ని సెర్చ్ చేశాం.. ఆ చిత్రం అనుష్క శర్మది కాదని గుర్తించాం. 2021 సంవత్సరంలో బబితా ఫోగట్ కు సంబంధించిన ఫోటో అని మేము కనుగొన్నాము. భారత రెజ్లర్ బబితా ఫోగట్, ఆమె భర్త వివేక్ సుహాగ్ ఒక మగబిడ్డను తల్లిదండ్రులు అయ్యారనేది వార్త. ఈ చిత్రం అనేక వార్తా నివేదికలలో ప్రచురించారు.
అనుష్క శర్మ పిల్లాడిని పట్టుకొని ఉన్న చిత్రం మార్ఫింగ్ చేశారు. విరాట్ కోహ్లీ, అనుష్క శర్మలకు ఇప్పటికే రెండో బిడ్డ పుట్టిందన్న వార్తలు అవాస్తవం. వైరల్ అవుతున్న వాదనలో ఎలాంటి నిజం లేదు.
Claim :   Virat Kohli and Anushka have a second child, Vamika gets a baby brother
Claimed By :  Youtube Users
Claim Reviewed By :  Telugupost Fact Check
Claim Source :  Youtube
Fact Check :  False
News Summary - Image claiming Virat and Anushka already had a second baby is False
Subhash

Satya Priya BN

Priya BN is a seasoned Content and Digital Manager with over 7 years of experience in press, electronic, and digital media. A trained fact checker with 4+ years of experience, she has worked with organizations like Newsmeter.in, BBC World Service, and Telugupost.com. Satya is also a Google News Initiative and BBC Young Reporter India trainer, specializing in fact-checking, misinformation, and media literacy. She has led workshops for journalists, media students, and school communities, and co-authored a Telugu-language fact-check manual. Currently, she serves as the Fact Check Lead at Telugupost.com.
Next Story

సంబందిత వార్తలు

తాజా వార్తలు

టాప్ స్టోరీస్

వీడియోస్

X
sidekick