నిజ నిర్ధారణ: మోధేరాలో మోదీ బహిరంగ సభలో కుర్చీలు ఖాళీగా ఉన్నాయన్నది తప్పుడు వాదన
ప్రధాని నరేంద్ర మోదీ గత కొద్ది రోజులుగా గుజరాత్, మధ్యప్రదేశ్‌లలో పర్యటిస్తున్నారు. గుజరాత్‌లోని జామ్‌నగర్‌లో నీటిపారుదల, విద్యుత్, నీటి సరఫరా, పట్టణ మౌలిక సదుపాయాలకు సంబంధించిన రూ.1,450 కోట్ల విలువైన బహుళ ప్రాజెక్టులకు ఆయన శంకుస్థాపన చేశారు.
ప్రధాని నరేంద్ర మోదీ గత కొద్ది రోజులుగా గుజరాత్, మధ్యప్రదేశ్‌లలో పర్యటిస్తున్నారు. గుజరాత్‌లోని జామ్‌నగర్‌లో నీటిపారుదల, విద్యుత్, నీటి సరఫరా, పట్టణ మౌలిక సదుపాయాలకు సంబంధించిన రూ.1,450 కోట్ల విలువైన బహుళ ప్రాజెక్టులకు ఆయన శంకుస్థాపన చేశారు.
మోడీ తన పర్యటనలో గుజరాత్‌లోని మోధేరాను భారతదేశంలోనే సౌరశక్తితో పనిచేసే మొదటి గ్రామంగా ప్రకటించారు. మోధేరాలోని సూర్య దేవాలయాన్ని సందర్శించిన మోదీ అక్కడ ఏర్పాటు చేసిన సభలో ప్రసంగించారు.
కాగా, మోడీ ప్రసంగం చేస్తున్న సమయంలో ఖాళీ కుర్చీలను చూపుతోందంటూ వీడియో ఒకటి సోషల్ మీడియాలో వైరల్ అవుతోంది.
"గుజరాత్‌లో మోడీ సమావేశం దేశానికి స్పష్టమైన సూచన ఇస్తోంది" అనే క్యాప్షన్‌తో వీడియో ప్రచారంలో ఉంది. కొంతమంది వినియోగదారులు హిందీ కథనంతో వీడియోను షేర్ చేసారు. ఆ కెల్యిం ఇలా ఉంది "" అనువదించగా "మోదీ జీ ర్యాలీ, భారీ గుంపు 'ఖాళీ కుర్చీలు'...!" అంటూ ఈ వీడియో షేర్ అయ్యింది.
మోధేరాలో జరిగిన సంఘటన ప్రజలను ఆకర్షించలేకపోయిందని, చాలా సీట్లు ఖాళీగా ఉన్నాయని కథనం వ్యంగ్యంగా పేర్కొంది.
నిజ నిర్ధారణ:
ప్రధాని మోదీ బహిరంగ సభకు ప్రజలు హాజరు కాలేదన్న వాదన అవాస్తవం. ప్రసంగం పూర్తయిన తర్వాత ఈ వీడియో చిత్రీకరించారు.
'మోధేరాలో మోదీ ప్రసంగం' అనే కీలక పదాలతో వెతికినప్పుడు, ఈవెంట్‌లో భారీ సంఖ్యలో జనాలను చూపించే అనేక వీడియోలు లభించాయి.
నరేంద్ర మోడీకి చెందిన యూట్యూబ్ ఛానెల్ కూడా ఈ సభ వీడియోను షేర్ చేసింది, అందులో కూర్చోవడానికి స్థలం లేకపోవడంతో ప్రజలు నిలబడి ఉన్నారు.
అదే ఈవెంట్‌కు సంబంధించిన విజువల్స్‌ను మనం ఆయన ట్విట్టర్ ఖాతాలో కూడా చూడవచ్చు, అక్కడ భారీగా జనం కనిపించారు. చివరి వరుసలతో సహా అన్ని సీట్లు పూర్తిగా ఆక్రమించబడినట్లు విజువల్స్ స్పష్టంగా చూపిస్తున్నాయి.
మోధేరాలో మోడీ ప్రసంగం సందర్భంగా బిజెపి గుజరాత్ అధ్యక్షుడు సిఆర్ పాటిల్ కూడా ప్రేక్షకుల చిత్రాలను పంచుకున్నారు. ట్వీట్ యొక్క శీర్షిక ఇలా ఉంది: "గౌరవనీయులైన ప్రధాన మంత్రి శ్రీ @నరేంద్రమోదీ సాహెబ్ దేశంలోని మొట్టమొదటి సోలార్ గ్రామమైన మోధేరాలో శంకుస్థాపన చేసి వివిధ అభివృద్ధి కార్యక్రమాలను ప్రారంభించారు. ఈ సందర్భంగా హాజరైనందుకు గౌరవంగా భావిస్తున్నాను'' అన్నారు.
అదే చిత్రాలను తన ఫేస్‌బుక్ ఖాతాలో కూడా షేర్ చేశారు.
ఇన్వెస్టిగేటివ్ జర్నలిస్ట్ విజయ్ పటేల్ వైరల్ వీడియోలో వేదికపై ఎవరూ లేరని చూపించే వైరల్ వీడియో నుండి స్క్రీన్‌షాట్‌ను పంచుకున్నారు. స్క్రీన్ రిపీట్ టెలికాస్ట్ స్పీచ్ చూపిస్తోంది.
అందువల్ల, ఈవెంట్ తర్వాత తీసిన వీడియో తప్పుడు దావాలతో షేర్ చేస్తున్నారు.
