ఫ్యాక్ట్ చెక్: వైరల్ ఫోటోలో ప్రధాని నరేంద్ర మోదీతో ఉన్న వ్యక్తి అమిత్ షా కాదు

సోషల్ మీడియాలో విస్తృతంగా షేర్ చేస్తున్న ఫోటో 1993 నాటిదని.. అందులో ఉన్నది ప్రధాని నరేంద్ర మోదీ, హోం మంత్రి అమిత్ షా అంటూ చెబుతున్నారు.

ఫ్యాక్ట్ చెకింగ్:

వైరల్ అవుతున్న పోస్టులో ఎటువంటి నిజం లేదు.

మేము వైరల్ ఇమేజ్‌పై రివర్స్ ఇమేజ్ సెర్చ్ చేసాము. మే 2022లో అటువంటి చిత్రాన్ని కలిగి ఉన్న కొన్ని కథనాలను కనుగొన్నాము.

https://www.ndtv.com/india-news/then-and-now-pms-1993-germany-trip-photo-surfaces-amid-berlin-visit-2941649

హిందూస్తాన్ టైమ్స్ వార్తా కథనం ప్రకారం, ఈ చిత్రం 1993లో మోదీ జర్మనీ పర్యటన సందర్భంగా తీసినదిగా ప్రస్తావించారు. అతని పక్కన నిలబడి ఉన్న వ్యక్తి మోదీతో పాటూ అక్కడికి వెళ్లిన వ్యక్తుల్లో ఒకరిగా పేర్కొన్నారు. కానీ వారి పేరు చెప్పలేదు.

https://www.aninews.in/news/world/asia/pm-modis-30-year-old-photo-in-germany-leaves-

netizens-fascinated20220503002949/

రివర్స్ ఇమేజ్ సెర్చ్ లో, మేము ఈ ఫోటోతో అనేక ట్వీట్‌లను కనుగొన్నాము. ఈ ట్వీట్‌లలో ఒకదానిలో, ఒక సోషల్ మీడియా వినియోగదారు స్పందిస్తూ, మోదీ పక్కన నిలబడి ఉన్న వ్యక్తి అమిత్ షా కాదని, రాజ్‌కోట్‌కు చెందిన డాక్టర్ సంజీవ్‌భాయ్ ఓజా అనే వ్యక్తి అని అన్నారు.

ఈ కామెంట్ ను ఆధారంగా ఉపయోగించి, మేము సంజీవ్ సోషల్ మీడియా ప్రొఫైల్‌లను వెతికాము. సంజీవ్ ఓజా పేరుతో ఫేస్‌బుక్ ప్రొఫైల్ కనుగొన్నారు. తన ప్రొఫైల్‌లోని "అబౌట్" విభాగంలో, ఆయన RSSలో పనిచేస్తున్నట్లు పేర్కొన్నారు. ప్రొఫైల్‌లోని అతని పాత చిత్రాలలో ఒకటి వైరల్ ఫోటోలోని వ్యక్తికి పోలిక ఉంది. అంతేకాకుండా ఆ చిత్రంలో నరేంద్ర మోదీ పక్కన నిలబడి ఉన్న వ్యక్తి తానేనని ఓజా బూమ్‌లైవ్‌కు ధృవీకరించారు.

https://www.boomlive.in/fact-check/politics/fake-news-1993-photo-frankfurt-germany-narendra-modi-false-claim-with-amit-shah-factcheck-20488

కాబట్టి, వైరల్ అవుతున్న దావా తప్పు. 1993 నాటి ఈ ఫోటోలో ప్రధాని నరేంద్ర మోదీ పక్కన నిలబడిన వ్యక్తి అమిత్ షా కాదు.