ఫ్యాక్ట్ చెక్: ప్రధాని నరేంద్ర మోదీ మాజీ రాష్ట్రపతి రామ్ నాథ్ కోవింద్ ను అవమానించలేదు

ఆమ్ ఆద్మీ పార్టీ నాయకుడు, ఎంపీ సంజయ్ సింగ్ ఈ వీడియోను షేర్ చేస్తూ రాష్ట్రపతిని అవమానించడమేనని ట్వీట్ చేశారు. సంజయ్ సింగ్ షేర్ చేసిన వీడియో ప్రకారం, రామ్‌నాథ్ కోవింద్ పార్లమెంటు సెంట్రల్ హాలులో తన వీడ్కోలు సందర్భంగా ఆందరికీ నమస్కారం చేస్తూ ముందుకు వెళ్లారు. ఆయన నమస్కరిస్తుంటే మోదీ పట్టించుకోనట్టుగా వేరే వైపు చూస్తున్నారు. ఆ తర్వాత రామ్‌నాథ్ కోవింద్ ముందుకు కదిలివెళ్లారు. ఈ వీడియోకు పోస్ట్ చేసిన సంజయ్ సింగ్ ''ఇది చాలా అవమానకరం, వెరీ సార్ సార్. ఈ వ్యక్తులు అంతే, మీ పదవీకాలం పూర్తి కావడంతో ఇక మీవైపు కన్నెత్తి కూడా చూడరు'' అంటూ వ్యాఖ్యానించారు. ఆ తర్వాత కొద్దిసేపటికే వీడియో వైరల్ అయింది.

నేషనల్ ఫోరమ్, యశ్వంత్ సిన్హా నేతృత్వంలోని సంస్థ కూడా ట్విట్టర్‌లో వీడియోను షేర్ చేసింది. ఆర్జేడీ నేత రిషి కుమార్ కూడా క్లిప్‌ను ట్వీట్ చేశారు.

ఈ వీడియోను పలువురు సోషల్ మీడియా యూజర్లు షేర్ చేశారు. కొంతమంది వినియోగదారులు ప్రధాని మోదీకి కెమెరాపై ఉన్న ప్రేమను ఎత్తి చూపగా.. మరికొందరు దీనిని రాష్ట్రపతికి అవమానమని పేర్కొన్నారు.

ఫ్యాక్ట్ చెకింగ్:

మా బృందం వైరల్ విజువల్స్‌లో 'సన్సద్ టీవీ' లోగోను చూసింది. దీన్ని క్లూగా ఉపయోగించి.. మేము YouTubeలోని Sansad TV ఛానెల్ ను పరిశీలించాము. వైరల్ క్లిప్ ఉన్న పూర్తి వీడియోను కనుగొన్నాము.

మాజీ రాష్ట్రపతి రామ్‌నాథ్ కోవింద్ వీడ్కోలు వేడుక వీడియో క్లిప్‌ను తప్పుదారి పట్టించే దావాతో షేర్ చేశారు. ప్రధాని నరేంద్ర మోదీ మాజీ రాష్ట్రపతిని అవమానించలేదు.

క్లెయిమ్: ప్రధాని నరేంద్ర మోదీ మాజీ రాష్ట్రపతి రామ్ నాథ్ కోవింద్ ను అవమానించారు
క్లెయిమ్ చేసింది ఎవరు: సోషల్ మీడియా యూజర్లు, పలువురు రాజకీయ నాయకులు
ఫ్యాక్ట్: వైరల్ పోస్టుల ద్వారా చెబుతున్నది అబద్ధం