నిజ నిర్ధారణ: విమాన ప్రమాదాన్ని చూపించే వీడియో నేపాల్ ప్రమాదాన్ని చూపడం లేదు
జనవరి 15, 2023న ఖాట్మండు, నేపాల్ నుండి పోఖారాకు ప్రయాణిస్తున్న యెటి ఎయిర్‌లైన్స్ వారి 72 సీట్ల ప్యాసింజర్ విమానం కూలిపోయి మంటలు చెలరేగడంతో కనీసం 68 మంది మరణించారు. విమానంలో 72 మంది ప్రయాణికులు, సిబ్బంది ఉన్నారు.
జనవరి 15, 2023న ఖాట్మండు, నేపాల్ నుండి పోఖారాకు ప్రయాణిస్తున్న యెటి ఎయిర్‌లైన్స్ వారి 72 సీట్ల ప్యాసింజర్ విమానం కూలిపోయి మంటలు చెలరేగడంతో కనీసం 68 మంది మరణించారు. విమానంలో 72 మంది ప్రయాణికులు, సిబ్బంది ఉన్నారు. పోఖారాలో కొత్తగా ప్రారంభించిన విమానాశ్రయంలో ల్యాండ్ అయ్యే ప్రయత్నంలో ట్విన్ ఇంజన్ కలిగిన ఏటీఆర్-72 విమానం కూలిపోయింది.
ఈ విమాన ప్రమాదంలో ఐదుగురు భారతీయులు ప్రాణాలు కోల్పోయారు, వీరిలో నలుగురు ఉత్తరప్రదేశ్‌లోని ఘాజీపూర్ జిల్లాకు చెందిన వారు. విమానంలోని ప్రయాణీకుల్లో ఒకరి ప్రత్యక్ష ప్రసార వీడియోలుగా పేర్కొంటూ కొన్ని వీడియోలు ఆన్‌లైన్‌లో ఉన్నాయి.
అయితే, విమానం భూమిపై కూలిపోయి మంటలు చెలరేగుతున్న వీడియో ఒకటి నేపాల్ విమాన ప్రమాదాన్ని చూపుతుందని పేర్కొంటూ ప్రచారంలో వచ్చింది. #నేపాల్ ప్లేన్ క్రాష్ అనే హ్యాష్‌ట్యాగ్‌తో పలువురు ట్విట్టర్ వినియోగదారులు ఈ వీడియోను షేర్ చేశారు.
నిజ నిర్ధారణ:
నేపాల్ విమాన ప్రమాదాన్ని వీడియో చూపిందన్న క్లెయిం అవాస్తవం. ఇది 2013లో ఆఫ్ఘనిస్తాన్‌లో కూలిపోయిన బోయింగ్ 747-400 అమెరికన్ కార్గో విమానం చూపిస్తుంది.
వీడియో నుండి కీలక ఫ్రేమ్‌లను సంగ్రహించి, వాటిని గూగుల్ రివర్స్ ఇమేజ్ సెర్చ్‌లో శోధించగా, మే 2013లో ప్రచురించిన కొన్ని వార్తా నివేదికలు వైరల్ వీడియోలోని విజువల్స్‌ను చూడవచ్చు.
వార్తా నివేదికల ప్రకారం, యూఎసే కి చెందిన 747-400 కార్గో విమానం ఏప్రిల్ 29, 2013న ఆఫ్ఘనిస్తాన్‌లోని బాగ్రామ్ ఎయిర్‌ఫీల్డ్ వద్ద కూలిపోయింది. ఈ సంఘటన ప్రయాణిస్తున్న వాహనం డాష్ క్యామ్‌లో రికార్డ్ అయ్యింది. ఈ ప్రమాదంలో విమానంలో ప్రయాణిస్తున్న ఏడుగురు అమెరికన్లు చనిపోయారు. టేకాఫ్ తర్వాత తక్కువ ఎత్తులో ఉండటం వల్లే ప్రమాదం జరిగిందని ఆర్మీ అధికార ప్రతినిధి తెలిపారు. నేషనల్ ఎయిర్ కార్గో అనుబంధ సంస్థ అయిన ఫ్లోరిడాకు చెందిన నేషనల్ ఎయిర్‌లైన్స్ నడుపుతున్న ఈ విమానం వాహనాలు, ఇతర సరుకులను తీసుకుని దుబాయ్‌కి వెళుతున్నట్లు సమాచారం.
https://www.businessinsider.
సిఎనెన్ తన యూట్యూబ్ ఛానెల్‌లో ప్రచురించిన వార్తా నివేదికలో అవే దృశ్యాలను మనం చూడవచ్చు.
క్రాష్ తర్వాత, తాలిబాన్ బాధ్యత వహించింది, అయితే అసోసియేటెడ్ ప్రెస్ వారి దావాను తిరస్కరించింది. సంఘటనా స్థలానికి చేరుకున్న అత్యవసర సిబ్బంది క్రాష్‌కు కారణాన్ని పరిశోధిస్తున్నారని, అయితే ఆ సమయంలో ఆ ప్రాంతంలో తిరుగుబాటు కార్యకలాపాల సంకేతాలు కనిపించలేదని వార్తా సంస్థ తెలిపింది.
https://www.nydailynews.com/
కనుక, వైరల్ వీడియో ఏప్రిల్ 2013లో ఆఫ్ఘనిస్తాన్‌లో జరిగిన కార్గో విమాన ప్రమాదం విజువల్స్ చూపుతోంది, నేపాల్‌లో ఇటీవల 2023లో జరిగిన ప్రయాణీకుల విమాన ప్రమాదం కాదు. ఈ వాదన అవాస్తవం.
