ఫ్యాక్ట్ చెక్: జనసేన అధినేత పవన్ కళ్యాణ్ మీద యువతి సెటైర్లు వేస్తున్న వీడియోను ఎడిట్ చేశారు.

2 లక్షల పుస్తకాలు చదివినా గ్రేస్ మార్కులతో 10వ తరగతి పాస్ అయ్యాడు, ఇంటర్మీడియట్ (12వ తరగతి)లో ఫెయిల్ అయిన స్టార్ పవన్ కళ్యాణ్ అని ఆ అమ్మాయి వ్యాఖ్యలు చేసింది. మ్యారేజ్ స్టార్, ప్యాకేజీ స్టార్ అంటూ చెప్పడం వినొచ్చు. తన తల్లితండ్రులంతా పవన్ కళ్యాణ్‌కు బానిసలని చెప్పుకొచ్చింది. జనసేన అంటే చంద్ర బాబు నాయుడు కోసమే అని పవన్ కళ్యాణ్ చెప్పారు. జై జనసేన.. అంటూ వ్యాఖ్యలు చేయడం మనం గమనించవచ్చు.

జనసేన అధినేతపై జనసేన సభ్యులే వ్యంగ్యంగా వ్యాఖ్యలు చేస్తున్నారనే క్యాప్షన్‌లతో కూడిన వీడియోను షేర్ చేశారు. ఒక్కో కామెంట్ ఒక్కో డైమండ్ అంటూ వీడియోను షేర్ చేస్తున్నారు.

వైరల్ అవుతున్న వాదనలో ఎలాంటి నిజం లేదు. వీడియోలో కనిపిస్తున్న అమ్మాయి పవన్ కళ్యాణ్ కు వ్యతిరేకంగా వ్యాఖ్యలు చేయలేదు. ఈ వీడియో ఇటీవలిది కాదు.

మేము సంగ్రహించిన కీఫ్రేమ్‌లపై Google రివర్స్ ఇమేజ్ సెర్చ్ చేసాం. అసలు వీడియో 2019 సంవత్సరంలో ఆంధ్రప్రదేశ్ రాష్ట్రంలోని ప్రకాశం జిల్లాలో విద్యార్థుల కోసం నిర్వహించిన సభ నుండి వచ్చిందని మేము కనుగొన్నాము. “Lady Fan powerful speech about Pawan Kalyan @Janasena Students Meet in Prakasam- Filmy

focus.com” అనే టైటిల్ తో ఫిల్మీ ఫోకస్ అనే యూట్యూబ్ ఛానెల్ మార్చి 5, 2019న టైటిల్‌తో వీడియోను ప్రచురించారు.

ప్రకాశం జిల్లాలో జరిగిన జనసేన విద్యార్థుల సమావేశంలో పలువురు విద్యార్థులు పాల్గొన్నారు. ఇతర విద్యార్థుల ప్రసంగాలను కూడా ఈ వీడియోలో చూడవచ్చు. ఒరిజినల్ వీడియోలో.. ప్రకాశం జిల్లాలో పుట్టిన గొప్ప వ్యక్తుల గురించి ఆమె మాట్లాడారు. జిల్లాలో సరైన విద్యా సౌకర్యం కూడా లేదని ఆమె తెలిపారు. ఆమె పవన్ కళ్యాణ్‌ను భగత్ సింగ్‌తో పాటు సుభాష్ చంద్రబోస్‌తో పోల్చారు. జనసేనలో విద్యార్థులంతా సైనికులేనని ఆమె అన్నారు.



‘Pawan Kalyan Lady Fan Mind Blowing Speech At Prakasam | Pawan Kalyan Speech | Janasena Latest News’ అనే టైటిల్ తో ఇదే వీడియోను మ్యాంగో న్యూస్ యూట్యూబ్ ఛానెల్‌లో మార్చి 6, 2019న పబ్లిష్ చేశారు.


జనసేన అధినేత పవన్ కళ్యాణ్ పై ఓ కాలేజీ అమ్మాయి వ్యంగ్యంగా వ్యాఖ్యలు చేసిన వీడియోను ఎడిట్ చేశారని గుర్తించాం. అసలైన ఆడియోలో ఆమె పవన్ కళ్యాణ్ పై ప్రశంసలు కురిపించారు.