ఫ్యాక్ట్ చెక్: బంగ్లాదేశ్ హిందువుల కోసం చేపట్టిన నిరసన ప్రదర్శనను నాగ్ పూర్ లో ఇటీవల అల్లర్ల తర్వాతి వీడియోగా ప్రచారం చేస్తున్నారు
నాగ్ పూర్ లో ఉద్రిక్త పరిస్థితులు నెలకొన్నాయి. ఖురాన్ ను దహనం చేశారనే వదంతులపై జరిగిన ఘర్షణల నేపథ్యంలో నాగ్‌పూర్‌లోని
Claim :
నాగ్ పూర్ లో మత ఘర్షణలు చోటు చేసుకున్న తరువాత హిందువుల భారీ సంఖ్యలో నిరసన ప్రదర్శన చేపట్టారుFact :
వైరల్ వీడియో బంగ్లాదేశ్ హిందువులకు సంఘీభావంగా జరిగిన నిరసన ప్రదర్శన. ఇటీవలి ఘటనలకు సంబంధించినది కాదు.
నాగ్ పూర్ లో ఉద్రిక్త పరిస్థితులు నెలకొన్నాయి. ఖురాన్ ను దహనం చేశారనే వదంతులపై జరిగిన ఘర్షణల నేపథ్యంలో నాగ్‌పూర్‌లోని చిట్నిస్ పార్క్‌లో హింస మొదలైంది. ఆ తరువాత పరిస్థితి మరింత దిగజారింది. పోలీసులపై, స్థానికుల ఇళ్లపై కొన్ని గుంపులు రాళ్లు రువ్వడం, కార్లు, బైక్‌లను తగలబెట్టడం చేశాయి. నాగ్ పూర్ హింసకు కారణమైన వారిని ఎవ్వరినీ విడిచిపెట్టేది లేదని మహారాష్ట్ర ముఖ్యమంత్రి దేవేంద్ర ఫడ్నవీస్ హెచ్చరించారు. ఇది ముందస్తు ప్రణాళికతో చేసిన దాడి అని తెలిపారు. ఇందులో ఎవరి పాత్ర ఉన్నా వారికి కఠిన శిక్ష తప్పదన్నారు. అసెంబ్లీలో ఫడ్నీవీస్ నాగ్ పూర్ లో జరిగిన హింసాత్మక ఘటనపై ప్రత్యేకంగా మాట్లాడారు. నిందితులు ఎక్కడ దాక్కున్నా బయటికు లాక్కొచ్చి మరీ శిక్షిస్తామని హెచ్చరించారు సీఎం ఫడ్నవీస్. ఈ అల్లర్లకు సంబంధించి మొత్తం ఏడుగురిని అరెస్టు చేసినట్లు నాగ్‌పూర్ పోలీసులు తెలిపారు. సోషల్ మీడియా పోస్టులతో సహా 140 కి పైగా అభ్యంతరకరమైన కంటెంట్‌ను పోలీసులు గుర్తించారు. వాటిని వెంటనే తొలగించాలని కోరుతూ ఈ ఖాతాలకు నోటీసులు పంపారు.
క్లెయిం ఆర్కైవ్ లింక్ ను ఇక్కడ చూడొచ్చు.
ఫ్యాక్ట్ చెక్:
నాగ్ పూర్ లోని వరైటీ స్క్వేర్ వద్ద సకల హిందూ సమాజ్ వారు నిర్వహించిన ర్యాలీ లో వేలాది మంది పాల్గొన్నారనీ, అందులో బాంగ్లాదేశ్ లో మినారిటీలైన హిందువుల పైన జరుగుతున్న అత్యాచారాలకు వ్యతిరేకంగా హిందూ నేతలు మోర్చా నిర్వహించారనీ టైమ్స్ ఆఫ్ ఇండియా ప్రచురించిన కధనం తెలుపుతోంది. కనుక, వైరల్ వీడియో బంగ్లాదేశ్ హిందువులకు మద్దతుగా నాగ్‌పూర్‌లోని సకల్ హిందూ సమాజ్ మోర్చా చేపట్టిన నిరసన ప్రదర్శనకు సంబంధించింది.
