ఫ్యాక్ట్ చెక్: చైనాలోని రెస్టారెంట్ లో నమాజ్ చేస్తున్న వ్యక్తిని చితకబాదారనే వాదన నిజం కాదు
చైనీస్ కమ్యూనిస్ట్ పార్టీ సభ్యులు నాస్తికులుగా బతకాలి. కానీ ఆ పార్టీ దేశంలో ఐదు మతాలకు గుర్తింపును ఇచ్చింది. బౌద్ధమతం, కాథలిక్కులు, దావోయిజం, ఇస్లాం, ప్రొటెస్టంటిజం విషయంలో కమ్యూనిస్ట్ పార్టీ
Claim :
చైనాలోని రెస్టారెంట్‌లో ఓ వ్యక్తి ప్రార్థనలు చేయడంతో అతడిని కొట్టారుFact :
వీడియో థాయ్‌లాండ్‌కు చెందినది. తన కింద పని చేసే వ్యక్తిని ఉన్నతాధికారి కొట్టడం చూపిస్తుంది
చైనీస్ కమ్యూనిస్ట్ పార్టీ సభ్యులు నాస్తికులుగా ఉంటారు, అయితే ఆ పార్టీ దేశంలో ఐదు మతాలకు గుర్తింపును ఇస్తుంది. బౌద్ధమతం, కాథలిక్కులు, దావోయిజం, ఇస్లాం, ప్రొటెస్టంటిజం విషయంలో కమ్యూనిస్ట్ పార్టీ కీలక నిర్ణయాలను ఎప్పటికప్పుడు తీసుకుంటూ ఉంటుంది. నమోదిత, నమోదుకాని మత సమూహాలను అధికారులు పర్యవేక్షిస్తూ ఉంటారు. చైనా ప్రభుత్వం ఉయ్ఘర్ ముస్లింలకు వ్యతిరేకంగా నేరాలకు పాల్పడుతోందని మానవ హక్కుల సంఘాలు ఆరోపిస్తున్నాయి. ముఖ్యంగా ఉయ్ఘర్ ముస్లింలను శిబిరాల్లో నిర్బంధించారని, వేలాది మందిని జైళ్లకు పంపారనే ఆరోపణలు ఉన్నాయి.
ఫ్యాక్ట్ చెకింగ్:
వైరల్ అవుతున్న వాదనలో ఎలాంటి నిజం లేదు.
ఈ వీడియో పాతది. అది కూడా చైనాలో చోటు చేసుకున్నది కాదు. థాయ్ ల్యాండ్ లో జరిగిన ఘటన. మేము వీడియో కీఫ్రేమ్‌లను తీసుకున్నాం. వాటిని రివర్స్ ఇమేజ్ సెర్చ్ చేశాము. మాకు దొరికిన సాక్ష్యాల ప్రకారం ఈ వీడియో 2020 సంవత్సరం నాటిదని మేము కనుగొన్నాము.
డిసెంబర్ 2020లో amarintv.com అనే పేరు గల థాయ్ వెబ్‌సైట్‌లో ప్రచురించిన కథనాన్ని కనుగొన్నాము. ఆ వార్తా నివేదికలో వీడియోకు సంబంధించిన స్క్రీన్‌షాట్‌లను షేర్ చేశారు. అప్పులు వసూలు చేస్తున్న కంపెనీకి చెందిన సీనియర్ ఉద్యోగి, తన కింది అధికారిపై దాడికి పాల్పడ్డాడని మీడియా నివేదికలో ఉంది.
This Morning’s Story అనే యూట్యూబ్ ఛానల్ ల ‘หนุ่มเปิดปากร่วมแก๊งทวงหนี้
కంపెనీ వారు చెప్పినట్టు కస్టమర్ల నుంచి డబ్బు వసూలు చేయలేకపోయినందున ఈ సంఘటన జనవరి 2020లో జరిగింది. దీని ఫలితంగా అతనిని శిక్షించారు. బాధితుడు 2019 అక్టోబర్‌లో ఫేస్‌బుక్ ద్వారా ఈ కంపెనీలో ఉద్యోగం కోసం దరఖాస్తు చేసుకున్నాడు. వివిధ ప్రాంతాల్లో వ్యాపార కార్డులను అందజేసి రుణాలు ఇస్తారు, తరువాత అతను కస్టమర్ల నుండి వడ్డీ వసూలు చేయాల్సి వుంటుంది. నెలకు సగటున 30,000-40,000 భాట్‌లు వచ్చే జీతం, అధిక కమీషన్ ప్రోత్సాహకంగా ఉన్నందున అతను ఇక్కడ పని చేయాలని నిర్ణయించుకున్నాడు. అయితే, గత 3 నెలలుగా, ఆదేశాలను ఉల్లంఘించినందుకు లేదా కంపెనీ డబ్బును దుర్వినియోగం చేసినందుకు ఉద్యోగులపై భౌతిక దాడి ద్వారా తీవ్రంగా శిక్షించే 5-6 క్లిప్‌లను అతను రికార్డ్ చేసారు.
చైనాలో పాకిస్తానీ వ్యక్తి రెస్టారెంట్‌లో నమాజ్ చేస్తున్నప్పుడు దాడి చేశారనే వాదనలో ఎలాంటి నిజం లేదు. వీడియో పాతది, ఒక లోన్ కంపెనీ ఉద్యోగిపై దాడి జరిగింది.
